[A:47b]dpal la thos/ /rgyan gyi bstan bcos daNDi dang / /dbyangs can mgul rgyan la sogs pa/ /dge 'dun dpal la legs par bslabs/ /mngon brjod bstan bcos 'chi med mdzod/ /de yi rgya cher 'grel bcas pa/ /mkhas pa gsum la legs par gtugs/ /nag mo khol gyi snyan ngag gsum/ /bde bar gshegs pa'i dpal gyis bshad/ /byang chub sems dpa'i skye ba'i rabs/ /bdag nyid chen po gnyis las thos/ /gsang ba 'dus pa 'phags pa'i skor/ /ye shes zhabs kyi yan lag rnams/ /bdag nyid chen po gnyis las thos/ /de nyid kyi ni rgyud 'grel gsum/ /bde mchog nyung ngu'i bshad pa'i rgyud/ /mkha' 'gro rgya mtsho la sogs bdun/ /kye rdo rje yi rgyud gsum dang / /de yi rjes 'brang Dombi'i skor/ /rnyog med a ralli sogs gsum/ /mgon po mngon par 'byung ba'i rgyud/ /de nyid 'dus pa 'grel bcas pa/ rdo rje rtse mo dpal mchog dang / /mkha' mnyam thams cad gsang ba dang / de dag gnyis ka'i 'grel pa dang / /ngan song sbyong ba yan lag bcas/ /khro bo'i rgyal po'i rtog pa che/ /de bzhin gsang ba chen po sogs/ /dpung pa bzang po legs grub dang / /gsang ba spyi rgyud la sogs pa/ /mtshan brjod bshad pa lugs bzhi dang / /brtag gnyis 'grel pa ku mu ti/ /mu tig phreng ba padma can/ /rin chen phreng ba'i rnam bshad rnams/ /sa skya'i 'jam dbyangs nyid las thos/ /dus kyi 'khor lo yan lag bcas/ /brtag gnyis bde mchog nyung ngu yi/ /'phags pa gnyis kyi stod 'grel bcas/ /rnam snang mngon par byang chub