[A:609]སྤྱོད་ཡུལ་དུ་མ་གྱུར་པ་ཡིན་པས། ཇི་སྐད་དུ། ངོར་ཆེན་རྡོ་རྗེ་འཆང་ཆེན་པོས། གསུང་ངག་གནད་ཀྱི་སྙིང་པོ་ནི། །གཉིས་ལས་གསུམ་བྱུང་གདམས་ངག་ཡིན། །ཀུན་གྱི་སྤྱོད་ཡུལ་མ་ཡིན་པའི། །མན་ངག་ཤེས་པ་བླ་མའི་དྲིན། །ཞེས་པ་ལྟར་གྱི་ལམ་སྲོལ་ཆེན་པོ་དེ་ཉིད་ཀྱི་ཉམས་ཁྲིད་ཟབ་མོ་ལན་གསུམ་གྱི་བར་དུ་ཐོབ་པའི་ཆོས་ཀྱི་རྐང་གྲངས་ལ། ཐམས་ཅད་མཁྱེན་པ་དཀོན་མཆོག་ལྷུན་གྲུབ་ཀྱིས་མཛད་པའི་གདམས་ངག་གི་གཞུང་ཤིང་རྒྱས་པ་གཞུང་ཇི་ལྟ་བ་བཞིན་བཀྲི་བའི་ལམ་གྱི་སྔོན་འགྲོའི་ཁྲིད་ཡིག་སྣང་གསུམ་མཛེས་པར་བྱེད་པའི་རྒྱན་གྱི་སྟེང་ནས་བཀྲི་བའི་འགོར། ཁོག་ཕུབ་བཤད་ཐབས་ལ། གསུང་ངག་བསྟན་པ་རྒྱས་པའི་ཉི་འོད། ཁ་སྐོང་ཀུན་མཁྱེན་གོ་རམས་པས་མཛད་པ་དང༌། ཀུན་མཁྱེན་གུང་རུས་མཛད་པ་གཉིས། རྗེ་དཀོན་མཆོག་ལྷུན་གྲུབ་པས་མཛད་པའི་ཆོས་འབྱུང་རྣམས་ཀྱི་སྟེང་ནས་བཤད་པའི་རྣམ་གྲངས་ཅི་རིགས་པ་ལེན་པར་མཛད། ཐོག་མར་ཆོས་སྤྱོད་པོ་ཏིའི་ལུང་གི་སྐོར་ལ། འཕགས་པ་དཀོན་མཆོག་གསུམ་རྗེས་སུ་དྲན་པའི་མདོའི་ལུང་ཐོབ་པའི་བརྒྱུད་པ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཐུབ་པ། འཕགས་པ་ཀུན་དགའ་བོ། མ་ཧཱ་པཎྜི་ཏ། ཇོ་བོ་དཔལ་ལྡན་ཨ་ཏི་ཤའབྲོམ་སྟོན་རྒྱལ་བའི་འབྱུང་གནས། པུ་ཏོ་བ་རིན་ཆེན་གསལ། ཤ་ར་བ་ཡོན་ཏན་གྲགས། གྲོ་སྟོན་བདུད་རྩི་གྲགས། སངས་རྒྱས་སྒོམ་པ་སེང་གེ་སྐྱབས། མཆིམས་ནམ་མཁའ་གྲགས། རྒྱང་རོ་བྱང་ཆུབ་འབུམ། མཆིམས་བློ་བཟང་གྲགས། ཡོལ་སྟོན་བསོད་ནམས་ལྷུན་གྲུབ། སློབ་