[A:609]spyod yul du ma gyur pa yin pas/ ji skad du/ ngor chen rdo rje 'chang chen pos/ gsung ngag gnad kyi snying po ni/ /gnyis las gsum byung gdams ngag yin/ /kun gyi spyod yul ma yin pa'i/ /man ngag shes pa bla ma'i drin/ /zhes pa ltar gyi lam srol chen po de nyid kyi nyams khrid zab mo lan gsum gyi bar du thob pa'i chos kyi rkang grangs la/ thams cad mkhyen pa dkon mchog lhun grub kyis mdzad pa'i gdams ngag gi gzhung shing rgyas pa gzhung ji lta ba bzhin bkri ba'i lam gyi sngon 'gro'i khrid yig snang gsum mdzes par byed pa'i rgyan gyi steng nas bkri ba'i 'gor/ khog phub bshad thabs la/ gsung ngag bstan pa rgyas pa'i nyi 'od/ kha skong kun mkhyen go rams pas mdzad pa dang / kun mkhyen gung rus mdzad pa gnyis/ rje dkon mchog lhun grub pas mdzad pa'i chos 'byung rnams kyi steng nas bshad pa'i rnam grangs ci rigs pa len par mdzad/ thog mar chos spyod po ti'i lung gi skor la/ 'phags pa dkon mchog gsum rjes su dran pa'i mdo'i lung thob pa'i brgyud pa ni/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas thub pa/ 'phags pa kun dga' bo/ ma hA paNDi ta/ jo bo dpal ldan a ti sha'abrom ston rgyal ba'i 'byung gnas/ pu to ba rin chen gsal/ sha ra ba yon tan grags/ gro ston bdud rtsi grags/ sangs rgyas sgom pa seng ge skyabs/ mchims nam mkha' grags/ rgyang ro byang chub 'bum/ mchims blo bzang grags/ yol ston bsod nams lhun grub/ slob