R755: དཔལ་ལྡན་བླ་མ་དམ་པ་རྣམས་ལས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར། གླེགས་བམ་དང་པོ།

« Title Page

Pagination (Witness A): 665

Last Page »

[A:665]ཀ་ལས་དཔལ་ལྡན་དོན་གྲུབ། འཇམ་མགོན་དཔལ་མཆོག་རྒྱལ་མཚན། མཁས་གྲུབ་སངས་རྒྱས་ཕུན་ཚོགས། མཁན་ཆེན་རྡོ་རྗེ་འཆང་ཚུལ་ཁྲིམས་ལྷུན་གྲུབ། དེས་བདག་བནྡེ་ཚུལ་ཁྲིམས་རིན་ཆེན་ལའོ། །ཡང་ན་སངས་རྒྱས་ཕུན་ཚོགས་ནས། མཚུངས་མེད་བསོད་ནམས་དཔལ་ལྡན། དེ་ལས་མཁན་ཆེན་བྱམས་པ་བསོད་ནམས་བཟང་པོ་དང༌། ཚུལ་ཁྲིམས་ལྷུན་གྲུབ་གཉིས་ཆར་གྱིས་གསན། སྔ་མ་ལས་འཇམ་དབྱངས་སངས་རྒྱས་དཔལ་བཟང་བས་གསན། དེ་ལས་བདག་གིས་སོ། །ཡང་ན་མཚུངས་མེད་བསོད་ནམས་དཔལ་ལྡན་པ་ནས། མཁན་ཆེན་ཐམས་ཅད་མཁྱེན་པ་དཔལ་ལྡན་ཆོས་སྐྱོང༌། དེས་བདག་ཚུལ་རིན་ལའོ། །ཡང་ན་དཀོན་མཆོག་དཔལ་ལྡན་ནས། རྗེ་ནམ་མཁའ་དཔལ་བཟང༌། སྒྲུབ་ཁང་པ་དཔལ་ལྡན་དོན་གྲུབ། འཇམ་མགོན་དཔལ་མཆོག་པ་མན་སྔར་བཞིན་ནོ། །རྗེ་བཙུན་རྡོ་རྗེ་བདག་མེད་མ་ལྷ་མོ་བཅོ་ལྔའི་རས་བྲིས་ཀྱི་དཀྱིལ་འཁོར་དུ་དབང་བཞི་རྫོགས་པར་ཐོབ་པའི་བརྒྱུད་པ་ནི། ས་ཆེན་ཡན་ཆད་ཡབ་དང་འདྲ། ས་སྐྱ་པ་ཆེན་པོ་ནས་ནེ་ཙོ་སྦལ་སྟོན། སློབ་དཔོན་

་་་་་སློབ་དཔོན་བྱེ་མ་ལུང་པ་ཞེས་པ་འདིར་སངས་རྒྱས་ཕུན་ཚོགས་པའི་གསན་ཡིག་ན་བྱུང་ཡང་ཐར་རྩེ་པཎ་ཆེན་དང་རྨོར་ཆེན་སོགས་ཀྱི་གསན་ཡིག་ན་མེད་པས་དགོས་སམ་མ་ཡིན་བརྟག

བྱེ་མ་ལུང་པ། བླ་མ་ཤེས་རབ་གྲགས། གནམ་པ་རྭ་ཆོས་ཀྱི་ཤེས་རབ། མངོན་པ་བ་དབང་ཕྱུག་བརྩོན་འགྲུས། དེ་ལས་འཕགས་པ་རིན་པོ་ཆེ་དང་པཎྜི་ཏ་རྡོ་རྗེ་ཤེས་རབ་གཉིས་ཀྱིས་གསན། དེ་གཉིས་ལས་ཞང་དཀོན་མཆོག་དཔལ། དེ་ནས་ན་བཟའ་བྲག་ཕུག་པ་བསོད་ནམས་དཔལ་བ། དེ་ལས་བླ་མ་