[A:674]ལས་རྗེ་དཀོན་མཆོག་འཕེལ་དང་སངས་རྒྱས་རིན་ཆེན་གཉིས་ཀྱིས་གསན། དེ་གཉིས་ཀ་ལས་ས་ལོ་ཙཱ་བ་དང༌། ལྷ་མཆོག་པ་དང་དཀོན་མཆོག་ལྷུན་གྲུབ་གསུམ་གྱིས་གསན། ས་ལོ་ཙཱ་བ་ལས་རྗེ་དཀོན་མཆོག་ལྷུན་གྲུབ་ཀྱིས་གསན། རྗེ་ལྷ་མཆོག་པ་དང་དཀོན་མཆོག་ལྷུན་གྲུབ་གཉིས་ཆར་ལས། རྗེ་སངས་རྒྱས་སེང་གེ་དང་ཤར་ཁང་པ་གཉིས་ཀས་གསན། དཀོན་མཆོག་ལྷུན་གྲུབ་དང༌། སངས་རྒྱས་སེང་གེ་དང་ཤར་ཁང་པ་གསུམ་ག་ལས་རྗེ་བྲང་ཏི་ནམ་མཁའ་དཔལ་བཟང་པས་གསན། དེ་ནས་རྩེ་གདོང་ཁྲི་ཆེན་ཀུན་དགའ་བསོད་ནམས་ལྷུན་གྲུབ་དང་མཁས་གྲུབ་དཔལ་ལྡན་དོན་གྲུབ་གཉིས་ཀྱིས་གསན། དེ་གཉིས་ཀ་ལས་རྗེ་དཔལ་མཆོག་རྒྱལ་མཚན་གྱིས་གསན། དེ་ལས་མཁས་གྲུབ་སངས་རྒྱས་ཕུན་ཚོགས་ཀྱིས་གསན། དེ་ལས་ཐམས་ཅད་མཁྱེན་པ་ཚུལ་ཁྲིམས་ལྷུན་གྲུབ་ཀྱིས་གསན། དེ་ལས་བདག་བནྡེ་ཚུལ་ཁྲིམས་རིན་ཆེན་གྱིས་སོ། །ཡང་ན་འཇམ་དབྱངས་ཀུན་དགའ་བསོད་ནམས་ལྷུན་གྲུབ་ལས། རྗེ་དཀོན་མཆོག་དཔལ་ལྡན། རྗེ་ནམ་མཁའ་དཔལ་བཟང༌། རྗེ་བྱམས་པ་རབ་བརྟན། འཇམ་དབྱངས་བསོད་ནམས་དབང་པོ་དང་བཞིས་གསན། རྗེ་ནམ་མཁའ་དཔལ་བཟང་ལས། ཤར་ཆེན་བྱམས་པ་ཀུན་དགའ་བཀྲ་ཤིས་ཀྱིས་གསན། རྩེ་གདོང་ཁྲི་ཆེན་དང་བྱམས་པ་ཀུན་དགའ་བཀྲ་ཤིས་གཉིས་ལས། ཤར་ཆེན་ཤེས་རབ་འབྱུང་གནས་ཀྱིས་གསན། དེ་ལས་རྗེ་དམ་ཆོས་བསམ་འགྲུབ་པས་གསན། དེ་ལས་མཁན་གྲུབ་ཆེན་པོ་སངས་རྒྱས་ཕུན་ཚོགས་ཀྱིས་གསན། དེ་ལས་མཁན་ཆེན་རྡོ་རྗེ་འཆང་ཚུལ་ཁྲིམས་ལྷུན་གྲུབ་ཀྱིས་གསན། དེ་ལས་བདག་བནྡེ་ཚུལ་ཁྲིམས་རིན་