[A:101]དཔལ་འབྱོར་མཐའ་ཡས་མོད། །གསང་ཆེན་སློབ་བཤད་བདུད་རྩིའི་ཐིགས་པ་འདི། །མཁས་རློམ་ཕལ་གྱི་རྣ་བའི་སྤྱོད་ཡུལ་མིན། །ཞེས་གསུངས་པ་ལྟ་བུའི་ཉམས་ཁྲིད་སྨིན་རྒྱས་དང༌། རྡོ་རྗེ་ནག་པོ་ཆེན་པོའི་ནང་ཁྲིད་དམ་གསང་ཁྲིད་དུ་གྲགས་པ་ནི་ནང་རྩ་གསུམ་འཁོར་ལོ་ལྔ་ལ་བརྟེན་ནས་བསྒྲུབས་པས་ནང་སྒྲུབ། གསང་བ་སེམས་ཀྱི་གནད་ལ་བརྟེན་ནས་བསྒྲུབས་པས་གསང་སྒྲུབ་ཏུ་གྲགས་ཤིང་འདི་ལ་ཐུན་མོང་དང་ཐུན་མོང་མ་ཡིན་པ་གཉིས་ཡོད་པ་ལ་གཉིས་ཀའི་རྩ་བར་གྱུར་པ་གོང་མས་མཛད་པའི་མན་ངག་མདོར་བསྡུས། དེ་ཉིད་ཅུང་ཟད་རྒྱས་སུ་བཏང་བ་དམ་པས་མཛད་པ་དང༌། གསང་རྟེན་ལུས་ལ་སྦ་བའི་ཡིག་ཆུང་རྣམས་དང༌། ཞལ་ཤེས་ལ་བརྟེན་ནས་ནང་ཁྲིད་ཐུན་མོང་བ་རྣལ་འབྱོར་དབང་ཕྱུག་ཆེན་པོ་ཡར་ཀླུངས་པ་སེངྒེ་རྒྱལ་མཚན་གྱིས་མཛད་པའི་བསྙེན་སྒྲུབ་ཐུན་མོང་མ་ཡིན་པའི་མན་ངག་ལ་སོགས་པ་རྒྱ་ཆེར་བཞུགས་ཤིང༌། འདི་སྐབས་སུ་རྒྱལ་དབང་ཐམས་ཅད་མཁྱེན་པ་ངག་དབང་བློ་བཟང་རྒྱ་མཚོས། ཡར་ཀླུངས་པས་མཛད་པའི་མན་ངག་འདི་ཡི་གེ་ནག་འགྲོས་ལྟ་བུར་བཀོད་པའི་ཐོག་མ་ཡིན་འདུག་པས། གསུང་ལས། གཞན་གྱིས་བསྐུལ་ཕྱིར་གཞན་ཕན་བསམ་པས་བྲིས། །སྙིགས་དུས་ནུབ་པར་དོགས་པས་འདིར་བརྗོད་བྱ། །ཞེས་དང༌། དཔེ་མཁྱུད་མེད་པར་མ་བྲིས་ན་སྙིགས་དུས་སུ་སོང་བས་བརྗེད་པ་དང་ནུབ་ཀྱིས་དོགས་ནས། ཡི་གེ ར་གསལ་པོར་འདྲི་བར་སྲུང་མ་རྣམས་ལ་ལོ་གསུམ་གྱི་བར་གསོལ་བ་བཏབ། ཅེས་སོགས་ལྟར། དེ་ཡན་ཆད་དུ་ཡི་གེ་གསལ་པོ་མེད་པར་ཤེས་ནུས། མལ་ལོའི་རྗེས་གནང་གི་ཐོར། མན་ངག་