[A:229]པ་བཀྲ་ཤིས་ལྷུན་གྲུབ། དེས་བདག་བནྡེ་ཚུལ་ཁྲིམས་རིན་ཆེན་ལ་བཀའ་དྲིན་དུ་སྩལ་ཏོ། །ཡང་ན་རྡོ་རྗེ་འཆང༌། བྲམ་ཟེ་མཆོག་སྲེད། ཀུ་ཀུ་རི་པ། དུར་ཁྲོད་ནག་པོ་རོ་འཛིན། གྱི་ལྗང་ལོ་ཙཱ་བ་དབུ་དཀར། མལ་ལོ་ཙཱ་བ་བློ་གྲོས་གྲགས་པ། རྗེ་བཙུན་ས་སྐྱ་པ་ཆེན་པོ། བླ་ཆེན་ཡར་སྒོམ་སེ་བོ། རྒྱལ་ཁམས་པ་དོ་པ་སྟོན་ཚུལ་མན་འདྲ། ཡང་ན་ས་ཆེན་ནས་ཞང་མངའ་རིས་པ། དགེ་བསྙེན་སྲས་མཆོག་མགོན་པོ། དོལ་པོ་འབྱུང་གནས་པ། རྒྱ་སྒོམ་ཚུལ་ཁྲིམས་གྲགས། དོ་པ་སྟོན་ཚུལ་མན་འདྲའོ། །དེ་ཡང་གོང་གི་རྩ་བའི་རྟགས་བཞི་རྒྱག་པའི་དགོས་པ་ནི། ཇི་སྐད་དུ། དེ་དག་ལས་འོངས་སོ་སོའི་ངོས་འཛིན་ནི། །ངོར་ལུགས་ཡི་གེ་ཨེ་ཡི་རྟགས་ཀྱིས་མཚན། །རྡོ་རྗེ་གདན་པ་ལས་བྱུང་རྡོ་རྗེའི་རྒྱ། །མུས་སྲད་པ་ནི་ཡི་གེ་མུ་ཡི་རྒྱ། །བདག་ཆེན་རྡོ་རྗེ་འཆང་དབང་ལས་བརྒྱུད་པའི། །རྩ་བའི་ཡི་གེ་མཆོད་རྟེན་རྒྱ་ཡིས་མཛེས། །ཐོར་བུ་གཞན་དག་མཆན་བུ་བཏབ་པས་ཤེས། །ཞེས་གསུངས་པ་ལྟར་རྟོགས་པར་བྱ་ཞིང་གོང་དུ་ངོས་མ་ཟིན་པའི་མེ་འབར་ཁ་སྐོང་གི་ལྗང་གསུམ་ལ་རྟགས་མེད་པ་འགའ་ཞིག་བྱུང་བ་རྣམས་མཆན་བུ་འགྲོལ་རྒྱུ་ཡི་གེ་ངོས་མ་མ་མཐོང་བས་རེ་ཞིག་དཔྱད་པར་བྱའོ། །སྨྲས་པ། ཕྱི་རོལ་སྣང་བའི་དྲེགས་པ་རྒྱུད་གསུམ་པོ། །རང་སེམས་གདོད་མའི་མགོན་པོར་ངོ་སྤྲོད་པ། །བཀའ་བབས་རྣམ་བཞིའི་དབང་དང་བྱིན་རླབས་ཁྲིད། །རྒྱབ་བརྟེན་གླེགས་བམ་ཕལ་ཆེར་ལུང་དུ་མནོས། །ཞེས་དམ་པའི་ཆོས་ཐོས་པའི་ཡི་གེ་དོན་གཉེར་གདེངས་ཅན་རོལ་པའི་ཆུ་གཏེར་ལས། གསེར་ཆོས་རྡོ་རྗེ་ནག་པོ་ཆེན་པོ་གུར་གྱི་མགོན་པོའི་ཆོས་སྐོར་