[A:229]pa bkra shis lhun grub/ des bdag bande tshul khrims rin chen la bka' drin du stsal to/ /yang na rdo rje 'chang / bram ze mchog sred/ ku ku ri pa/ dur khrod nag po ro 'dzin/ gyi ljang lo tsA ba dbu dkar/ mal lo tsA ba blo gros grags pa/ rje btsun sa skya pa chen po/ bla chen yar sgom se bo/ rgyal khams pa do pa ston tshul man 'dra/ yang na sa chen nas zhang mnga' ris pa/ dge bsnyen sras mchog mgon po/ dol po 'byung gnas pa/ rgya sgom tshul khrims grags/ do pa ston tshul man 'dra'o/ /de yang gong gi rtsa ba'i rtags bzhi rgyag pa'i dgos pa ni/ ji skad du/ de dag las 'ongs so so'i ngos 'dzin ni/ /ngor lugs yi ge e yi rtags kyis mtshan/ /rdo rje gdan pa las byung rdo rje'i rgya/ /mus srad pa ni yi ge mu yi rgya/ /bdag chen rdo rje 'chang dbang las brgyud pa'i/ /rtsa ba'i yi ge mchod rten rgya yis mdzes/ /thor bu gzhan dag mchan bu btab pas shes/ /zhes gsungs pa ltar rtogs par bya zhing gong du ngos ma zin pa'i me 'bar kha skong gi ljang gsum la rtags med pa 'ga' zhig byung ba rnams mchan bu 'grol rgyu yi ge ngos ma ma mthong bas re zhig dpyad par bya'o/ /smras pa/ phyi rol snang ba'i dregs pa rgyud gsum po/ /rang sems gdod ma'i mgon por ngo sprod pa/ /bka' babs rnam bzhi'i dbang dang byin rlabs khrid/ /rgyab brten glegs bam phal cher lung du mnos/ /zhes dam pa'i chos thos pa'i yi ge don gnyer gdengs can rol pa'i chu gter las/ gser chos rdo rje nag po chen po gur gyi mgon po'i chos skor