[A:17]chos can las gzhar yang ma 'das pa'i phyir dang / khyad par skyes bu'i 'tsho ba nyid ni skad cig snga ma nas phyi ma'i yun tshad tsam du'ang rtag pa'i nges pa yod par ma gsungs pa'i phyir/ tshe 'di'i bya ba thams cad chu shing bzhin du snying po med par shes par byas nas/ thar pa dang thams cad mkhyen pa sgrub pa'i thabs kyis nam yang mi bslu nges pa nyid ni/ sangs rgyas bcom ldan 'das kyi bstan pa rin po che kho na ste de'i rjes su rim gyis 'jug pa dang nye bar zhugs pa'i sgo nas snying po blang dgos/ snying po len pa'i thabs la bzhi ste/ 'jug yul shes pa'i ched du bstan pa'i rnam gzhag bstan pa/ 'jug sgo shes pa'i ched du thos bsam la rim gyis slob tshul/ thos don yid ches ched du chos kyi brgyud rim bstan pa/ thos bsam don yod ched du rang gzhan don gnyis sgrub pa'i tshul lo/ /dang po 'jug yul shes pa'i ched du bstan pa'i rnam gzhag bstan pa ni/ bdag cag gi ston pa tshad med pa'i yon tan dang thugs rjer ldan pa kun mkhyen nyi ma'i rtsa lag chen po de nyid kyis/ gdul bya rnams kyi khams dang bsam pa dang rjes su mthun par nyon mongs pa'i gnyen por dam pa'i chos kyi bdud rtsi'i sgo 'phar bsam gyis mi khyab par phye ste/ ji skad du mdzod las/ spyod pa rnams kyi gnyen por ni/ /chos kyi phung po mthun par gsungs/ /zhes so/ /de'i rnam par gzhag pa la gnyis te/ chos spyi mdor bstan pa dang / bye brag rgyas par bshad pa'o/ /dang po ni spyir chos zhes bya ba'i sgra de don du la 'jug ce na/ rnam bshad rig pa las/ chos ni shes