[A:21]/ yan lag drug cu bsam mi khyab/ /ces so/ /gsum pa bka' la dbye ba drug ste/ dang po dus kyi sgo nas dbye na/ bden pa bzhi'i chos 'khor/ mtshan nyid med pa'i chos 'khor/ legs par rnam par phye ba'i chos 'khor te gsum du 'gyur ro/ /bka' dang po la mtshan nyid dang dper brjod gnyis/ dang po ni/ 'phags pa'i bden pa bzhi brjod bya gtso bor byas nas ston pa'i gsung rab de'o/ /gnyis pa ni 'dul ba lung sde bzhi la sogs pa rnams so/ /bzhi ni lung bzhi/ lung rnam 'byed/ lung phran tshegs/ gzhung bla ma'o/ /bka' bar ma la mtshan nyid dang dper brjod gnyis/ dang po ni rnam thar sgo gsum brjod bya'i gtso bor byas nas ston pa'i gsung rab de'o/ /gnyis pa ni/ shes rab kyi pha rol tu phyin pa rgyas 'bring bsdus gsum la sogs pa ste/ de'ang rgyas pa stong phrag brgya pa/ 'bring gi rgyas pa khri lnga stong pa/ 'bring gi 'bring khri brgyad stong pa/ 'bring gi bsdus pa shes rab khri pa/ bsdus pa'i rgyas pa brgyad stong pa/ bsdus pa'i bsdus pa sdud pa sogs mngon par rtogs pa'i don ston pa'i mdo dang / shes rab snying po la sogs pa zab mo'i don ston pa'i mdo sde rnams so/ /bka' tha ma la'ang mtshan nyid dang dper brjod gnyis/ dang po ni mtshan nyid gsum gyis legs par phye nas ston pa'i gsung rab de'o/ /gnyis pa ni/ sangs rgyas phal po che/ de bzhin gshegs pa'i snying po'i mdo/ langkar gshegs pa la sogs pa rnams so/ /gnyis pa brjod bya'i sgo nas ni drang don dang nges don ston pa'i mdo gnyis su