[A:33]grogs po'i tshul gyis dngos grub bsgrub pa ste/ spyod pa grogs po'i tshul gyis te/ /grogs po nyid du nye bar gnas/ /zhes so/ /rnal 'byor rgyud la ye shes sems dpa' 'jug pa dang 'byin pa'i tshul gyis te/ de bzhin gshegs pa tshad med pa dang sems can tshad med du bsgrubs nas slar gshegs par bshad do/ /rnal 'byor chen por dam ye gnyis su med pa'i tshul gyis te/ mdor na phung po lnga rnams ni/ /rgyal ba lngar ni rab tu grags/ /zhes dang / gzugs phung rdo rje ma yin te/ /zhes bya ba la sogs pa'o/ /gsum pa bzhugs tshul bstan pa la gnyis/ bzhugs tshul spyir bstan pa/ rnam grangs bye brag tu bstan pa'o/ /dang po bya ba'i rgyud ni phyi'i bya ba ston pa ste/ gsang ba spyi rgyud dang dpung bzang la sogs pa'o/ /spyod pa'i rgyud ni phyi'i bya ba dang nang ting nge 'dzin gnyis ka ston pa ste/ phyag na rdo rje dbang bskur ba la sogs pa'o/ /rnal 'byor gyi rgyud ni sems kyi ting nge 'dzin gtso bor ston pa ste/ de nyid 'dus pa la sogs pa'o/ /rnal 'byor bla na med pa'i rgyud ni/ thabs dang shes rab zung 'jug tu ston pa ste/ de la thabs shes gnyis med kyi rgyud gsum las/ thabs rgyud ni gsang ba 'dus pa la sogs pa dang / shes rab kyi rgyud ni ma hA mA yA la sogs pa dang / gnyis su med pa'i rgyud ni dus kyi 'khor lo dang kye rdo rje la sogs pa'o/ /gnyis pa ni/ /de lta bu'i rgyud sde bzhi po re re la nang gses gyi grangs ci tsam zhig bzhugs pa yin snyam na/ ye shes rdo rje kun las btus pa las/ rtog pa'i rgyud ni