[A:43]slob dpon zla ba grags pas/ mtha' drug bral bas nges par rtogs zhes gang smra ba/ /zla ba blta 'dod sor mo'i rtse la lta dang mtshungs/ /zhes mtha' drug gi gnad la mkhas par bya dgos te/ de'ang bshad bya kun rdzob rigs pas mi gnas par ston pa drang ba'i don dang / don dam rigs pas 'thad pa ston pa nges pa'i don dang / tshig ji ltar byung ba ltar bshad pas chog pa sgra ji bzhin pa dang / tshig bsgyur nas bshad dgos pa ji bzhin min pa dang / tshig tu byung ba'i don ltar ma yin zhing don gzhan la dgongs pa dgongs pa can dang / tshig tu byung ba ltar don yang de ltar yin pa dgongs pa min pa ste drug tu phye nas 'grel ba'i tshul rags pa ste zhib par mdo sngags kyi khyad par ma gtogs 'og tu 'chad do/ /yang sdem por dgongs pa sogs bzhi phye nas bshad pa ni/ ji skad du/ gzhug pa ldem por dgongs pa dang / /mtshan nyid ldem por dgongs pa dang / /gnyen po ldem por dgongs pa dang / /bsgyur ba ldem por dgongs pa ste/ /zhes pa'i dang po ni nyan thos kha cig gzugs med pas skrag nas bstan pa la mi 'jug pa yod de/ de la bcom ldan 'das kyis gzugs gzung byar snang ba'i gzhan dbang la btags pa'i gzugs kun rdzob par yod pa na/ kun rdzob par yod pa la'ang yod pa tsam gyis khyab par kun rdzob dang don dam pa'i ldog pa btang snyoms su byas nas gzugs yod do zhes gsungs so/ /de gang zag kha cig gzugs kun rdzob par yod par shes pa'i dgongs gzhi rnyed pa la ltos nas gsungs te/ don gzhan la