[A:44]dgongs kyang ldog pa btang snyoms su byas te nyan thos pas sgra ji bzhin du gzugs don dam par go nas dgongs pa'i don de ma yin yang de ltar rtogs pa de la nyan thos theg chen du 'jug par 'gyur ba'i dgos pas de ni gzhug pa la ldem por dgongs pa'o/ /gnyis pa ni/ gang zag kha cig ngo bo nyid gsum ga la bden par zhen te/ de las kun nas nyon mongs pa 'phel ba na/ gzung ba dang 'dzin pa dang gang zag gi kun tu brtags pa de yod par 'dzin pa dgag pa'i thabs su ston pas kun brtags mtshan nyid ngo bo nyid med pa dang / gzhan dbang rang las skye ba ma yin pa dang / yongs grub chos nyid de bzhin nyid don dam pa med dgag gi ngo bo nyid yin pa la dgongs nas chos thams cad ngo bo nyid med do zhes gsungs pa na/ kha cig gi dgongs gzhi ngo bo nyid med pa gsum yin par go ba la ltos nas don gzhan la dgongs pa yod kyang / 'ga' zhig sgra ji bzhin par go ba kun brtags la bden pa'i sgro 'dogs sel ba'i dgongs pa yod pa'i ldog pa nas mtshan nyid la ldem por dgongs pa yin no/ /gsum pa ni/ gang zag kha cig sangs rgyas dang chos la brnyas pa la sogs pa'i nyes pa 'dul ba'i ched du/ chos sku mnyam pa nyid la sogs pa la dgongs nas/ de'i tshe nga nyid sangs rgyas rnam par gzigs su gyur to zhes gsungs so/ /de la kha cig gi chos sku mnyam pa nyid la sogs pa'i dgongs gzhi rnyed pa la ltos nas de don gzhan la dgongs pa yin yang de'i ldog pa btang snyoms su byas nas/ kha cig gis dgongs gzhi ma rnyed par gzugs sku mnyam pa la