[A:45]sogs pa sgra ji bzhin par go yang brnyas pa'i gnyen por 'gyur ba'i ldog pa nas gnyen po ldem por dgongs pa zhes bya'o/ /bzhi pa ni/ gang zag 'ga' zhig bde bar gshegs pa'i gsung ni rtogs par sla bas dman pa'o zhes brnyas pa na/ de ldog pa'i don du tshig gi tshul gzhan du bsgyur nas/ lhag pa tshul khrims kyi bslab pas dka' ba nyams su len pa la dgongs nas/ nyon mongs pas ni rab nyon mongs/ /byang chub dam pa thob par 'gyur/ /zhes gsungs so/ /de la gang zag 'ga' zhig gis dgongs pa zab mo rnyed pa'i bsam pa la brten nas de don gzhan la dgongs pa yin yang de'i ldog pa btang snyoms su byas te/ kha cig gis dgongs pa zab mo ma rnyed de/ sgra ji bzhin par 'khrul yang / brjod pa zab par gyur pas chos de la brnyas pa bzlog pa'i dgos pa yod pa'i ldog pa nas bsgyur ba la ldem por dgongs pa yin no/ /dgongs pa bzhis phye nas bshad pa la/ mnyam pa nyid dang don gzhan dang / /de bzhin du ni dus gzhan dang / /gang zag gi ni bsam pa la/ /dgongs pa rnam pa bzhir shes bya/ /zhes pa ltar las dang po ni/ sngon gyi sangs rgyas rnam par gzigs nyid sku che ba dang sku tshe ring ba la sogs pa yod la/ sangs rgyas shAkya thub pa ni sku chung ba la sogs pas de ltar ma yin no zhes brnyas pa'i gnyen por gzugs sku de ltar yod kyang chos sku mnyam pa nyid la dgongs gzhir byas nas/ de'i dus na nga nyid rnam par gzigs su gyur to zhes gsungs so/ /sgra ji bzhin par go nas brnyas pa bzlog pa'i gang