[A:467]rnon po'i mchog gi rigs can gyis/ rdo rje slob dpon sangs rgyas thams cad dang dbyer med du 'dzin cing thun mong dang thun mong ma yin pa'i rtsa ba yan lag dang bcas pa bsrung ba lhur len pa la/ gzhan don du phyag rgya chen po mchog gi dngos grub tshe 'di'am bar do'am skye ba bdun la sogs pa nas 'grub par byed pa'i/ lam gyi rtsa ba bum pa'i dbang mtha' dag gi steng du/ gsang ba dang / shes rab ye shes dang / dbang bzhi pa bcas yongs su rdzogs par bskur nas/ kye rdo rje las/ dngos po nyid kyis rnam grol zhing / /dngos po'i 'ching bas 'ching bar 'gyur/ /de yongs shes pas grol ba yin/ /dngos po med pa'ang yongs shes pas/ /dngos po bsgom 'gyur shes rab can/ /zhes gsungs pa ltar/ 'khor ba'i 'dra 'bag lam du byed pa'i tshul gyis rang nyid sangs rgyas thams cad kyi sku gsung thugs dang dbyer med du bsgoms pas sbyang gzhi'i gtso bo tha mal gyi skye 'chi bar do'i gnas skabs su snang ba'i chos thams cad de/ de'ang lha'i ngo bor rang bzhin gyis rnam par dag pas lhar 'gyur ba'i gzhi yin pa dang / tha mal gyi rnam rtog gis de dag la tha mal du bzung nas 'khor bar 'ching ba'i rgyur byed pas sbyang dgos pa'i gzhi yang yin pa'i phyir ro/ /sbyang bya snang ba de dag la tha mal du 'dzin pa'i rnam par rtog pa mtha' dgasbyong byed rnam par thar pa'i sgo dang byang chub kyi phyogs kyi cha dang / ye shes lnga la sogs pa chos kyi sku'i yon tan rnams dang / lha'i rnam par bskyed cing bsdu ba la sogs pas gzugs kyi skur bsgom