[A:55]rnal 'byor gyi dbang phyug bi rU pa yab sras kyi bzhed pa gzhan dang thun mong ma yin pa'i gdams ngag yin no/ /gnyis pa ni/ sems kyi rgyud rgyun chags pa gang zhig gtan la dbab pa la dgongs nas gzhi dang lam dang 'bras bu'i rgyud gsum gyi sgo nas bshad de/ gsang ba 'dus pa las/ rgyud ni rgyun chags zhes bya ste/ /rgyun de rnam pa gsum du 'gyur/ /gzhi dang de yi rang bzhin dang / /mi 'phrogs pa yis rab phye ba'o/ /rang bzhin rnam pa rgyu yin te/ /gzhi ni thabs zhes bya ba yin/ /de bzhin mi 'phrogs 'bras bu ste/ /gsum gyis rgyud kyi don bsdus pa'o/ /zhes gsungs pa ltar ro/ /gsum pa ni/ lus dang ngag dang sems dang rlung ste rgyu bzhi yod pa dang / /dbang bzhi dang lam bzhi dang 'bras bu bzhi dang sku bzhi yod pas rim pa ltar dbyibs kyi bdag nyid/ sngags kyi bdag nyid/ dbang chos kyi bdag nyid/ mthar thug chos kyi bdag nyid de bzhir gnas pa la dbang chos dang mthar thug chos gnyis gcig tu byas pa'i bdag nyid can gsum gyi sgo nas bshad de/ dpal nam mkha' dang mnyam pa'i rgyud las/ sngags dang dbyibs dang chos bdag nyid/ /sbyor ba rnam pa gsum gyis ni/ /srid pa'i nyes pas mi gos shing / /rgyud kyi don la 'jug par bya/ /zhes gsungs so/ /bzhi pa ni/ 'bras bu longs spyod rdzogs pa'i sku gong bur gnas pa/ chos kyi sku chur gnas pa/ sprul pa'i sku gzugs su gnas pa/ ngo bo nyid kyi sku gzugs las 'das par gnas pa ltar sbyang gzhi dang sbyong byed kyi chos rnams kyang gnas