[A:56]pa bzhi bzhi yin pa'i phyir de dag gi sgo nas bshad pa ste/ dpal nam mkha' dang mnyam pa las/ gong bu chu dang gzugs su gnas/ /de bzhin gzugs las 'das pa ste/ /gnas pa rnam pa bzhi ru ni/ /rgyud rnams nges par kho na yin/ /zhes gsungs pa bzhin no/ /lnga pa ni/ rgyu'i rgyud ngo bo nyid kyi dag pa gsum/ thabs kyi rgyud sbyong byed kyi dag pa gsum/ 'bras bu'i rgyud dri bral gyi dag pa gsum ste rgyud gsum so so'i thad sor dag pa gsum ldan gyi sgo nas bshad pa ste/ dgyes pa'i rdo rje las/ nges par dngos po thams cad kyi/ /dag pa de bzhin nyid du brjod/ /phyi nas re re'i dbye ba yis/ /lha rnams kyis ni brjod par bya/ /rang rig bdag nyid dag pa nyid/ /dag pa gzhan gyis rnam grol min/ /zhes gsungs pa ltar ro/ /drug pa ni/ snod min la gab cing sba ba'i don du gsang ba bdun gyi sgo nas bshad pa ste/ dpal kha sbyor las/ gsang ba ni mi gsal ba'o/ /gsang ba ni de kho na nyid mdor bstan pa'o/ /gsang ba ni sa bon lnga'o/ /gsang ba ni dam pa'i dngos po sbas pa'o/ /gsang ba ni gsang ba'i chu skyes so/ /gsang ba ni lte ba'i dga' ba'o/ /gsang ba ni thams cad du 'gro ba bsdus pa'o/ /gsang ba ni bde ba mtha' yas pa ste rgyud kyi gzhung gi bshad pa'o zhes gsang ba'i sgra ni bdun pa ste/ brgyad pa ni brjod du med pa'i mtshan nyid do zhes gsungs pas mtha'i gsang ba gnyis rtogs bya dang rtogs pa'i gnas lugs kyi ngo bor dbyer med pa'i phyir bdun du nges pa nyid do/ /gzhan yang ye shes rdo rje kun las btus pa'i rgyud las gleng