[A:606]gnang gi chings ni shin tu mi 'dra mod kyang brgyud pa gcig pa'i phyir na gcig go gcig gis chod dam snyam mo zhes gsungs/ bdag gis ni yig cha snga ma'i steng nas thob bo/ /smras pa/ gsang rgyud gzhan las bshad tshul khyad par ba/ /dus 'khor dbang bdun gong ma gong chen bcas/ /thun mong dngos grub sgrub pa'i lha gsum gyi/ /rjes gnang thos pa'i rna lung ma dog tsam/ /zhes dam pa'i chos thos pa'i yi ge don gnyer gdengs can rol pa'i chu gter las/ dus kyi 'khor lo'i chos skor thos pa'i brgyud rim gyi sarga ste nyi shu pa'o/ // /rnal 'byor mchog gi dbyar skyes 'dzam bu las/ shing rta che srol snye ma yongs lhung ba/ /mkhas dbang mkhyen pa'i ma dros rtsis bsgyur ba'i/ /zab chos bum pa brgya skyes mnos pa'i tshul/ /spyi don lnga pa gser chos skor la/ dus gsum gyi bde bar gshegs pa byon dang 'byon 'gyur 'byon bzhin pa mtha' dag gi lam po che/ mdo sde dang rgyud sde mtha' dag gi man ngag thams cad kyi bcud phyung ba/ 'phags yul paN grub kun gyi gtsug gi nor bu lta bur gyur pa 'jigs bral dpal ldan chos skyong ngam grub pa'i 'khor los sgyur ba'i rnal 'byor gyi dbang phyug birWa pa chen po la rje btsun rdo rje bdag med mas dngos su gnang ba'i gdams pa lam 'bras bu dang bcas pa/ 'bras bu lam dang bcas pa/ gcig shes pas mang po shes pa/ skyon yon tan du blang ba/ bar gcod dngos grub tu blang ba/ ltas ngan g.yang du 'gugs pa/ ting nge 'dzin ngo shes pas bsam gtan gyi ge gas sel ba/ bar gcod ngo shes pas bdud kyi