[A:607]gegs sel ba/ sde snod gsum gyi de nyid shes pa gser 'gyur gyi rtsi lta bu/ mchog dang thun mong gi dngos grub kun gyi 'dod pa 'jo ba'i yid bzhin gyi nor bu/ gsung ngag rin po che zhes mkhas shing grub pa'i dbang phyug mtha' dag zung 'jug tu gshegs pa'i them skas chen po 'di nyid ni/ lo tsA ba rnams kyi nang nas nyi zla ltar phyogs kun tu yongs su grags pa 'brog mi shAkya ye shes kyis/ 'phags yul paN grub kun gyi gtsug rgyan du gyur pa'i ma hA paNDi ta gha ya dha ra mnyes pa gsum gyi sgo nas mnyes par mdzad de legs par zhus shing gtan la phab/ lo tsA ba chen po de la slob ma bgrang gis mi ldang ba'i tshogs dpag tu med pa byung ba'i nang nas gtso bor gyur pa/ gzhung rdzogs pa/ gdams ngag rdzogs pa/ grub pa thob pa'i slob ma gsum sogs byung bar grags shing / gdams pa rdzogs pa'i slob ma'i nang nas rab tu thob pa se mkhar chu ba kun rig de'i slob ma zhang ston chos 'bar nas bstan pa'i mnga' bdag rje btsun sa skya pa yab sras la bka' babs pa/ de'i srol 'dzin ngor rdzong gong dkar ba tshar pa la sogs pa'i mkhas shing grub pa ston ka'i mkha' dbyings dag pa'i ngos su sgrib pa med par rgyu skar gyi tshogs bkrag tu che ba ltar grangs su mi chod pa byon pa'i nang nas/ rgyal ba nyi ma'i rtsa lag chen po rang gi lung rtogs kyi bstan pa rin po che'i snang byed chen por padmo'i gnyen nam bsil sbyin mkhan gyi dkyil 'khor ltar bsngags shing nges pa grub pa ngor chen rdo rje 'chang kun dga' bzang po zhes yongs su grags pa'i skyes bu chen po