[A:608]de nyid kyis rgyal tshab chen po'i spyod pa rmad du byung ba ci rigs pas mdo sngags kyi chos thams cad la mkhas pa'i bgyi ba gsum gyi bgyi ba yang dag par bgyis pa'i nang nas/ lhag par sampu Ta las/ bstan bcos tshad ma slob dpon dang / /lung gi rjes 'brang de nyid rig / gsang ston de nyid dngos po yang / /gcig nas gcig brgyud shes par bya/ /bla ma rab kyi zhal las blangs/ /zhes dang / tshad ma snyan brgyud bzhi yis spros pa bcad/ /ces pa ltar lugs srol 'di la tshad ma bzhi dang / snyan brgyud bzhi zhes gsungs pa'i dang po rje btsun chen pos/ chos kun tshad ma bzhi yis gtan la dbab/ /ces gsungs pa ltar/ bla ma tshad ma/ nyams myong tshad ma/ bstan bcos tshad ma/ lung tshad ma bzhi'i sgo nas gtan la 'bebs par mdzad pa'i tshul gyis legs par phye zhing log par smra ba gzhan gyi klan ka'i gnas rnams yang dag pa'i lung dang rigs pa dang man ngag gi sgo nas dgag sgrub kyis legs par gtan la phab pa ni/ bdag cag gi ston pas kyang ji skad du/ bsreg bcad brdar ba'i gser bzhin du/ /legs par brtags la nga yi bka'/ /blang bar bya yi gus phyir min/ /zhes gsungs pa lta bu'i tshul gyis sprin bral nyin mor byed pa'i dkyil 'khor ltar ches cher gsal bar byed pa po ni rdo rje 'chang chen po de nyid de/ slar yang de nyid kyi zhal slob yang slob tu bcas pa rnams kyis deng sang gi bar du 'chad nyan gyis gtan la phab cing thugs nyams su bstar bar mdzad pa'i zab pa las kyang ches zab pa 'di nyid mkhas par rlom pa gzhan gyi