[A:626]shing rgyas pa lam gyi sngon 'gro'i khrid yig snang gsum mdzes par byed pa'i rgyan nyid gzhir byas 'khrid tshul gyi rnam gzhag gi rgyas 'gebs dang brgyud pa'i phyag bzhed kyis legs par brgyan te nyams khrid smin rgyas su stsal nas/ snyan brgyud bzhi'i spros pa'i sgro 'dogs gcod pa'i skabs dbang gi chu bo ma nub pa/ byin rlabs kyi brgyud pa ma nyams pa/ gdams ngag gi sarga ma log pa/ mos gus kyi bsam pa tshim pa ste bzhi dang ldan pa'i 'chad tshul gyi sgo nas bshad pa'i dang po ni rgyu lam 'bras gsum gyi dbang gi chu bo ma nub pa/ gnyis pa ni rdo rje 'chang nas rtsa ba'i bla ma'i bar du nyams su blangs pa myong ba byin gyis brlabs pa grub pa'i mtha' ste brgyud pa ma nyams pa/ gsum pa ni gdams ngag gi sarga zhes pa rgyud dang man ngag gi go rim ma 'chol ba/ bzhi pa mos gus kyi bsam pa tshim pa rtogs pa rgyud la skyes pas bla ma lha dang gdams ngag tu bcas pa la gzhan rkyen gyis mi 'phrogs pa'i mos gus skyes pa ste bzhi yin la/ de yang snyan brgyud gsum pa'i go rim ma 'chol ba dpon slob kyi 'brel pa ma brtags par dbang mi bskur/ dbang ma bskur bar gdams ngag mi 'chad/ de ma bshad par gzhung mi sbyin/ de ma sbyin par sgrub pa'i lung dang gsang bcu'i rgyas mi gdab pa sogs 'khrul pa'i dri ma phra mo tsam yang med pa'i phyag len rnam par dag pa yin la/ spyir 'khrid tshul ni/ brtag gnyis las/ dang por gso sbyong sbyin par bya/ /de nas bslab pa'i gnas bcu sbyin/ /de la bye brag smra ba bstan/ /mdo sde pa yang de bzhin no/ /de nas rnal 'byor spyod pa