[A:627]nyid/ /de yi rjes su dbu ma bstan/ /sngags kyi rim pa kun shes nas/ /de rjes kye yi rdo rje brtsams/ /zhes rgyud kyi dgongs pa dang / de dang cha 'dra bar/ ljon shing las/ thun mong gi gdams pas bkral ba/ thun mong ma yin pa gzhung chung rdo rje'i tshig rkang nas gsungs pa sogs mtha' dag gi dgongs don lam thun mong bas rgyud sbyangs pa sngon du song nas/ sngags lam la 'jug dgos pa yin zhing / de yang gang zag rab 'bring tha gsum gyi rab rnams dbang bzhi tshad ldan thob nas de bskur ba'i bla ma sku bzhi ye shes lnga ldan du thag chod nas gsol ba 'debs pa ni lam zab kho nas grol ba/ 'bring po som nyi cung zad yod pa dam tshig bsrungs pas grol ba/ tha ma bskyed rdzogs kyi rnal 'byor tshul bzhin nyams su blangs pas grol ba las/ deng sang phyi ma nyid gtso che ba'i phyag len du mdzad pa ni/ bstan pa rin po che yongs rdzogs kyi nyams len du 'gyur ba la/ lam thun mong bas rgyud sbyangs nas dbang bzhi pa'i bar gyi gang zag gcig 'tshang rgya ba'i nyams len cha tshang ba dgos pas thog mar/ theg pa thun mong ba'i lam sems can la nyon mongs pa la ma dag pa'i snang ba/ rnal 'byor pa la ting nge 'dzin la nyams kyi snang ba/ bde bar gshegs pa'i sku gsung thugs mi zad pa rgyan gyi 'khor lo la dag pa'i snang ba ste lam snang ba gsum gyi 'khrid/ de rjes maNDal tshom bu lnga pa la brten nas byang chub mchog tu sems bskyed pa brgyud pa khyad par gnyis ldan gyi cho ga rje btsun gong ma rnams kyi gsung rab kyi don snying por bsdus pa