[A:628]ngor chen dkon mchog lhun grub kyis mdzad pa'i yi ge'i steng nas legs par mnos nas/ slob dpon tsandra go mis mdzad pa'i sdom pa nyi shu rtsa 'grel dang / bla ma lnga bcu pa rtsa 'grel gyi bshad lung dpon slob kyi 'brel brtag pa'i don du stsal/ de nas rje ngor chen dkon mchog lhun grub kyis mdzad pa'i yi ge ltar slob ma rjes su gzung ba mdzad de/ bsags sbyong gi khrid dmigs rnams phog nas slob dpon rang nyid bsnyen pa kha gso ba'i ting nge 'dzin la zhag bdun du snyoms par bzhugs nas/ ting nge 'dzin de las grol ba na/ bla med rdo rje theg pa'i thun mong ma yin pa'i thabs rgyud kyi gtso bo smin grol gnyis las/ dang po ni kye rdo rje lha dgu'i rdul tshon gyi dkyil 'khor chen por ngor chen thams cad mkhyen pa dkon mchog lhun grub kyis mdzad pa'i kye rdo rje'i mngon par rtogs pa yan lag drug pa dang / gtor chog mdzes par byed pa'i rgyan dang / dbang gi chu bo chen po mdzes par byed pa'i rgyan/ dbang gi mtshams sbyor lung dang rigs pa man ngag gi gter mdzod dang rgya gzhung gi bstod pa dang bkra shis rnams la brten nas/ dbang gi mngon par rtogs pa brgyad dang ldan pa'i sgo nas rgyu dus kyi dbang gi chu bo ma nub pa bshad pas mtha' dpyad de sbyang gzhi sbyong byed legs par ngo sprad pa dang bcas te smin rgyas su nos pa'i thun mong gi dbang drug gi skabs nas bcom ldan 'das kyi rtsa ba'i sngags aShTa'i bzlas lung bcas te rgyu dus kyi dbang phyin ci ma log pa thob bo/ /de ltar nos pa'i dam tshig dang sdom pa rnams mi nyams par bsrung ba gsal bar ston pa'i rdo rje theg pa'i rtsa