[A:75]pas dbang bskur thob phyin chad nas/ bla ma sangs rgyas dngos nyid du blta bar bya ba ste/ 'dus pa'i rgyud las/ dbang bskur ba'i rdo rje slob dpon la ji ltar blta bar bgyi zhes zhus pa'i lan du/ sangs rgyas kun gyi rang bzhin sku/ /yan lag byang chub sems dpa' ste/ /ba spu rnams ni dgra bcom nyid/ /spyi gtsug rigs lnga'i sangs rgyas nyid/ /'jig rten pa ni zhabs kyis mnan/ /'od zer gnod sbyin gsang ba la'o/ /rnal 'byor can gyis rtag tu brtag / ces dang / gzhan yang rdo rje gur dang / bde mchog rdo rje phreng ba/ bla ma lnga bcu pa sogs las rgya cher gsungs so/ /des na dbang bskur nas sngags kyi sdom pas ma sbrel na/ bla ma de bzang zhing grub thob yin na'ang pha rol tu phyin pa'i lugs ltar rim gyis 'bras bu 'grub pa'i rgyu byed pa tsam las ma 'das te/ dbang ma bskur ba'i bla ma de sangs rgyas dngos su blta bar ma bshad pa'i phyir/ dper na rab byung ma thob pa'i btsun pa de la mkhan po'i tha snyad med pa dang / smin byed kyi dbang bskur ma thob pa la gsang sngags kyi bla ma'i tha snyad yod pa mi srid de/ des na sngags kyi bla ma min pa la gsol ba btab kyang gnas skabs kyi 'bras bu tsam mam/ yang na de'i steng du rim gyis sangs rgyas 'grub pa'i rgyur 'gyur mod kyi/ tshe 'di'am bar do sogs su sangs rgyas nyid 'byin par mi nus te/ der bla ma la sangs rgyas kyi ngo bor bsams nas gsol ba 'debs pa gsungs pa'i phyir/ de skad du'ang sa skya paNDi tas/ nyan thos rnams kyi bla ma de/ /bzang yang gang