[A:76] zag kho nar bas/ /pha rol phyin pa'i bla ma ni/ /bzang na dge 'dun dkon mchog yin/ /gsang sngags pa yi bla ma mchog / dkon mchog gsum dang dbyer med yin/ /des na de la gsol btab pas/ /dkon mchog gsum po tshe 'dir 'grub/ /ces gsungs so/ /de la'ang chos smra ba de skyon bral yon tan kun dang ldan pa zhig mthong dgos pa la/ rtsod ldan dbang gis bla ma skyon dang yon tan 'dres/ /zhes pa ltar rang re las dang nyon mongs pas bsgribs shing skal ba dman pa'i gdul bya'i snang ngor bla ma la skyon dang yon tan 'dres mar rtogs par 'gyur mod/ rang rgyud las dang nyon mongs pa stug pos bsgribs pa'i mthus de ltar du snang ba yin snyam du shes dgos te/ ba tsha chu klung gi mdo las/ lnga brgya tha mar gyur pa na/ /nga nyid slob dpon gzugs kyis gnas/ /nga yin snyam du yid byos la/ /de tshe de la gus pa skyed/ /ces gsungs pa sogs kyis skyon rtog gi blo de dgag par bya ste/ de bkag pas yon tan kun dang ldan pa zhig shugs kyis rtogs par 'gyur ba'i phyir ro/ /dpe dang gtan tshigs gzhan yang / slob dpon thogs med kyis rje btsun byams pa spyi bor bzhag nas bstan pas sus kyang ma mthong bar rgan mo sdig pa cung zad bsrabs pa zhig gis khyi mor mthong ba dang / sangs rgyas ye shes zhabs kyis 'phags pa 'jam dpal khyim btsun chos gos kyis thod byas nas zhing rmod pa la sogs pa mthong ba dang / nA ro ta pas tai lo pa nya gson por sreg par mthong ba sogs kyang log lta ma byas pa'i 'bras bu ji ltar 'byung ba rnams kyis