[A:230]thos pa'i brgyud rim gyi sarga ste nyer bzhi pa'o/ // /rnal 'byor dam tshig ldan par rtag 'go zhing / /rgyal gsung gsang mdzod bsrung ba'i g.yar dam mdud/ /mi shigs dam can yongs kyi sde dpon che/ /zhing skyong gdong bzhi ldan pa'i chos skor la/ /de yang dpal gsang ba 'dus pa'i rtsa brgyud le'u bcu bdun pa las/ drag po mi sdug khros pa ni/ /utpal sngon po'i kha dog 'dra/ /phyag bzhi pa ni cho ga yis/ /phyag na thod pa bsnams par bsgom/ /zhes dngos su bstan cing / dpal 'khor lo sdom pa'i bshad rgyud las kyang gsal bar bstan pa'i stobs 'phrog nag po chen po gdong bzhi pa'am drag po gzi ldan dbang phyug tu grags pa 'di nyid ni/ rdo rje 'chang tshar pa chos rjes/ de ltar rgyal ba'i dri med rgyud sde las/ /gsungs pa'i bstan srung kun gyi mchog gyur pa/ /drag shul mthu ldan stobs 'phrog nag po zhes/ /rgya bod mkhas grub kun la rlung ltar grags/ /zhes gsungs pa ltar 'phags pa'i yul du sangs rgyas gnyis pa dpal mgon klu sgrub zhabs/ bsod snyoms pa chen po ta thA ga ta rakShi ta/ ma hA paNDi ta 'bum phrag gsum pa/ ri sul gyi rnal 'byor ma ku sa li chen mo sogs paN grub du mas chos skyong gi gtso bor mdzad cing / bsil ldan kha ba'i ljongs 'dir skad gnyis smra ba'i dbang po gnyan lo tsA ba dar ma grags kyis gdan drangs pa'i bstan srung brgya rtsa tsam gyi nang nas gtso bor gyur pa bzung / bstan pa'i mnga' bdag rje btsun sa skya pa yab sras la bka' babs bstan pa srung ba'i mtshon char mgon po che chung gnyis su dbye ba'i chung bar