[A:551]sam/ yi ge ra bris sam/ yi ge ra 'drir 'jug gam/ glegs bam du byas te bsti stang du byed pa dang / btsun par byed pa dang / bkur stir byed pa dang / mchod pa byed pa la sogs pa rgya cher gsungs nas/ rigs kyi bu gang la la chos kyi rnam grangs 'di 'dzin pa'am/ klog pa'am/ ston pa'am/ yi ge ra 'dri ba rung ste/ rigs kyi bu de mig gi yon tan brgyad brgya thob par 'gyur ro/ /rna ba'i yon tan stong nyis brgya thob par 'gyur ro/ /sna'i yon tan brgyad brgya thob par 'gyur ro/ /lce'i yon tan stong nyis brgya thob par 'gyur ro/ /lus kyi yon tan brgyad brgya thob par 'gyur ro/ /yid kyi yon tan stong nyis brgya thob par 'gyur ro/ /de yon tan brgya phrag mang pos dbang po drug gi grong yongs su dag cing / shin tu yongs su dag par 'gyur ro zhes bya ba la sogs pa mdo sde mang por lan gcig ma yin par bka' stsal pa ltar/ chos kyi rnam grangs re re tsam thos par gyur na'ang / bsod nams kyi phung po'i tshad ni nam yang mur thug pa ma mchis so snyam nas yid kyi dbang po der phrogs par brten/ yang dag pa'i dge ba'i bshes kyi zhabs zung gi chu skyes dag spyi bos bsten cing gus pas mnyan pa la/ bka' dang po bden bzhi'i chos 'khor las byung ba 'dul ba lung / bar pa mtshan nyid med pa'i chos 'khor las byung ba sher phyogs/ mtha' ma legs par rnam par phye ba'i chos 'khor las byung ba dkon brtsegs dang phal chen/ 'khor lo gsum po ci rigs par gtogs pa sde tshan phyogs gcig bsgrigs pa