[A:574]/ tshig gi bdud rtsi 'thung ba bzhin/ /rab tu dang las dri med blos/ /nad pas sman pa'i ngag gnyan bzhin/ /rim gro bskyed de chos nyon cig/ ces 'byung ba ltar gyi 'du shes rtse gcig pas don du gnyer/ rjes mnyes pa gsum gyi zhabs tog gang 'khos dang khyad par du'ang / rje btsun rin po che grags pa rgyal mtshan gyis/ dbang thob man ngag zab mo 'tshol ba yis/ /sa stengs rgyas pa kun tu btsal byas kyang / /phan pa'i don po man ngag dam tshig ste/ /'di med 'gram rtsa zad pa'i khong rul bzhin/ /legs par smin pas dam tshig bsrungs byas na/ /skye ba bcu drug dag nas 'grub bo zhes/ /'gro ba'i rtsa lag phan par mdzad pas gsungs/ /bdag ni thos nyung shes rab mig bral yang / /dri med rgyud las legs gsungs mthong bas na/ /dbang blang dam tshig bsrung bar mdzod cig ces/ /kun la thal mo sbyar nas gsol ba 'debs/ /zhes pa ltar gyi dam tshig gi gnad rnams la rtogs dpyod ma brjed tsam bgyid khul byas par brten gnas skabs kyi rten 'brel legs tshogs 'ga' zhig kyang rang 'grigs lta bu byung zhing / thos don nyams len skor sogs kyang / yi dam chos srung tshe lha nor lha'i skor sogs kyi gzhi'i bsnyen pa du ma mthar phyin bsags pa dang / rgyun du yang sgo gsum tha mal ngang la ma 'byams par dge sbyor ci 'grub bgyid khul dang / rgyal ba'i dgongs 'grel rin po che'i gtsos pusti sum brgya skor gyi zhu dag gi zhabs 'degs bsgrubs pa dang / gtso cher bstan 'gror sman 'dogs lhur blang gi 'chad brtsams sogs lus sems kyi gang