[A:92]lus kyi rtsa khams gsum/ /gsang bar sems nyid gsal stong zung 'jug gsum/ /dbyer med srid zhi'i mgon po'i chos kyi skor/ /de'ang 'dzam gling bstan pa'i mnga' bdag lha mchog 'jam pa'i dbyangs kyi sgyu 'phrul rol pa rje btsun sa skya pa yab sras la bstan pa bsrung ba'i mtshon char chos skyong ba'i srung ma grangs med pa zhig bka' babs pa'i nang nas rgya gar ma ga dhA'i rdo rje gdan gyi sgo skyong 'phags yul paN grub rnams kyi srung ma'i gtso bo rdo rje nag po chen po gur gyi mgon po ni/ mkha' 'gro ma rdo rje gur gyi rgyud las/ de nas bcom ldan 'das rdo rje 'dzin pa chen pos nag po chen po 'di nyid kyi sku dang gsung dang thugs rdo rje las phyung ngo zhes 'byung ba ltar/ bcom ldan 'das rdo rje 'chang chen po'i sku gsung thugs dbyer mi phyed pa'i sprul par bstan pas phyogs re tsam gyi sprul pa'i bstan srung gzhan las ches khyad par du 'phags pa'i phyir bstan srung kun gyi gtso bo ste/ tshul de la dgongs nas kun mkhyen mkhyen brtse'i dbang phyug gis/ bgrang yas bstan srung kun gyi sde dpon che/ /dran pas snying gi mun sel rdo rje gur/ /zhes ched du brjod pa'ang sgro skur gyis dben pa'i rang bzhin brjod pa'i rgyan kho na ste/ de'ang dpal kye rdo rje'i bshad pa'i rgyud rdo rje gur/ mgon po mngon par 'byung ba/ lha mo'i khungs 'phags yul na bzhugs pa'i gdan bzhi'i rgyud rgyas pa la sogs pa rnams las gsal bar bstan/ bka' lung gi 'grel byed dam pa 'phags pa'i yul du grub pa mchog gi sa la bzhugs pa'i slob dpon bram ze mchog sred la sogs pas dar zhing