[A:93]rgyas par mdzad/ bsil ldan kha ba'i ljongs 'dir ma hA paNDi ta gha ya dha ra dang don yod rdo rje dang shraddhA ka ra warma dang shAkya shrI rnams las brgyud de byon pa 'jam dpal rdo rje rje btsun sa skya pa yab sras rnams kyis ches cher gsal bar mdzad de/ ma hA kA la'i chos skor gyi brjed byang bsam 'phel nor bu'i phreng ba las/ khyab bdag gur gyi mgon po'i chos skor ni/ /'phags pa'i yul du paN grub rnams kyis phye/ /rgyud rgyal ma dros chu gter las byung ba'i/ /bka' babs rnam bzhi'i gdams pa'i chu rgyun ni/ /lo tsA rnam bzhi'i gsung gi 'bab stegs las/ /legs 'ongs sa skya'i bla chen thugs mtshor 'khyil/ /gang de'i gsung gi bdud rtsi'i zegs ma ni/ /phyogs brgyar 'phros pas kha ba'i sman ljongs 'dir/ /zab ston lbu phreng bye bas phyug pa yi/ /rjes 'brangs chu klung rnam bzhi ring du babs/ /zhes pa ltar rgyud rgyal rnams kyi gdams pa'i snying po 'phags yul paN grub rnams kyis srol rgyas bsdus sna tshogs su btod pa'i nang nas rnal 'byor dbang phyug birWa pa las brgyud pa'i lam 'bras pa'i gur gyi mgon po'i gdams pa lo chen 'brog mis bsgyur ba dang / bla ma rdo rje gdan pa las brgyud pa sgrub thabs kun las btus pa lugs kyi mgon po'i gdams pa ba ri lo tsA bas bsgyur ba dang / paNDi ta dad byed go cha las brgyud pa'i mgon po'i gdams pa lo chen rin bzang gis bsgyur ba mal lo tsA ba'i lugs su grags pa dang / kaShmi ra'i bsod snyoms pa chen po paN chen shAkya shrI las brgyud pa'i mgon po'i gdams pa sa lo tsA ba