[A:94]kun dga' rgyal mtshan gyis bsgyur ba ste lo paN chen po bzhi las brgyud pa'i bka' ma chad pa chu bo chen po bzhi'i rgyun ltar babs pa'o/ /gyi ljang lugs ni lo chen rin bzang nas mal lor brgyud pa yin na'ang / stod lugs smad lugs gnyis su byung ba'i stod lugs rnams mal lo nas brgyud pa yin pas bka' babs phyi ma'i khongs su don gyis 'du zhing / lha bcu bdun ma'i dbang lo chen nas brgyud pa dang gyi ljang smad lugs kyi gdams skor rnams rje btsun gong ma rnams las ma brgyud na'ang / gzhi thog pa sngags 'chang kun dga' zla ba nas sa lugs su bka' babs pas deng sang man ngag rnams phyogs gcig tu mdzad pa yin no/ /de la bka' babs bzhi'i gdams pa rjes 'brang gi mkhas grub ngor pa dang rdzong pa dang gong dkar ba las brgyud pa dang / kha'u brag rdzong pa las brgyud pa'i lugs srol gnyis las/ phyi ma'i nang du gong ma gsum yang 'dus par bzhed pa'ang lugs srol 'di nyid kyi phyogs la sku drin gzhal du ma mchis pa'i snyan brgyud bstan pa'i srog zung sa chen por gyur pa tshar chen rdo rje 'chang chen po blo gsal rgya mtsho'i zhal snga nas/ khyad par nag po chen po'i man ngag ni/ /brgyud ldan bla ma bcu phrag gcig la zhus/ /'gran zla kun bral drin can rdo ring pa'i/ /snyan brgyud zab mo bum pa gang byor thob/ /e waM pa ni bsdus la spros pa chung / /mus srad pa ni dkar chag khrigs chags can/ /rdo rje gdan pa 'cham dang nus pa'i bdag/ kho bos thob pa'i thun mong brgyud pa gsum/ /zhes snga ma gsum po thun