[A:254]ཙནྡྲ་ཤྲཱི་རཏྣ། འཁྲུལ་ཞྀག་ཚུལ་ཁྲིམས་རྒྱལ་མཚན། རིན་ཆེན་མཁྱེན་རབ་མཆོག་གྲུབ། རྡོ་རིང་པ་ཀུན་བཟང་ཆོས་ཀྱི་ཉི་མ། ཚར་ཆེན། མཁྱེན་བརྩེའི་དབང་ཕྱུག །བྱམས་པ་སྐལ་བཟང༌། དབང་ཕྱུག་རབ་བརྟན། བཀའ་དྲིན་འཁོར་མེད་རིན་ཆེན་བསོད་ནམས་མཆོག་གྲུབ། དེས་བདག་ལ་དགྱེས་པ་ཆེན་པོས་གནང་ངོ༌། །སྙིང་པོ་དོན་གསུམ་གྱི་བླ་མའི་རྣལ་འབྱོར་གསལ་བྱེད་གླིང་སྐུ་སྐྱེ་ལ་ཡང་ཞུས་སོ། ༈ །སྒྲོལ་དཀར་གྱི་ཚེ་ཁྲིད་ནི་ཁྲིད་བརྒྱའི་ནང་ཚན་རྡོ་རྗེ་འཆང་ཚུལ་ཁྲིམས་བཀྲ་ཤིས་ལ་ཐོབ་པའི་བརྒྱུད་པ་རྗེས་གནང་སྐབས་དང་འདྲའོ། ༈ །དུས་གསུམ་གྱི་རྒྱལ་བ་ཐམས་ཅད་གཤེགས་པའི་ལམ་པོ་ཆེ་འཁོར་འདས་ཀྱི་ཆོས་ཐམས་ཅད་ལ་རྒྱས་འདེབས་པ་ཕྱག་རྒྱ་ཆེན་པོ་ལྷན་ཅིག་སྐྱེས་སྦྱོར་གྱི་ཁྲིད་ལ། སྔོན་འགྲོའི་ཁྲིད་ཡིག་བཀྲ་ཤིས་རྣམ་རྒྱལ་གྱིས་མཛད་པ་ཐུན་བཞིའི་རྣལ་འབྱོར་བྱ་བ་དང༌། དངོས་གཞིའི་ཉམས་ལེན་སྤྲུལ་སྐུ་བཟང་པོ་རྡོ་རྗེས་མཛད་པ་ནས་ཉམས་ཁྲིད་ཐོབ་པ་དང༌། རྒྱ་ཆེན་སྤྱོད་རྒྱུད། ཟབ་མོ་ལྟ་རྒྱུད། ཉམས་ལེན་བྱིན་བརླབས་ཀྱི་སྐོར་ལས། ཐར་པ་ཆེན་པོའི་རྒྱན་ཞེས་ལེའུ་ཉེར་གཅིག་པ་དང༌། སེམས་ཀྱི་མཚན་ཉིད་གབ་པ་མངོན་དུ་ཕྱུང་བ་དང༌། ལམ་མཆོག་རིན་ཆེན་ཕྲེང་བ། སྔོན་འགྲོ་དངོས་གཞིའི་ཁྲིད་ཀྱི་ལུང་དང་བཅས་པ་ཐོབ་པའི་བརྒྱུད་པ་ནི། རྡོ་རྗེ་འཆང༌། ཡེ་ཤེས་ཀྱི་མཁའ་འགྲོ་མ། ཏི་ལོ་ཤེས་རབ་བཟང་པོ། པཎ་ཆེན་ནཱ་རོ་པ། ལོ་ཙཱ་ཆེན་པོ་མར་པ་ཆོས་ཀྱི་བློ་གྲོས། མི་ལ་བཞད་པ་རྡོ་རྗེ། རྒྱལ་བས་ལུང་བསྟན་བསོད་ནམས་རིན་ཆེན་ནམ་འཛམ་གླིང་གྲགས་པ། སྒོམ་པ་ཚུལ་ཁྲིམས་སྙིང་པོ། ལ་ཡག་པ་བྱང་ཆུབ་དངོས་གྲུབ། མཁན་ཆེན་བྱེ་དཀར་བ། སྙི་སྒོམ་ཆེན་པོ། འབྲི་གུང་པ་སྐུ་མཆེད། ལྷ་ལུང་པ། བན་ལུང་པ། མཁན་པོ་ལྷ་བཙུན་པ། ཇོ་སྲས་རྡོ་རྗེ་བློ་གྲོས། སྤྱན་སྔ་