[A:39]ལ། འཁོར་བཞིའི་རྒྱ། དབང་ཕྱུག་གི་དོན་བརྒྱད། ས་བཅུ་གསུམ་པའི་ཕྱེད་ཀྱི་མངོན་རྟོགས་ཏེ་གསུམ་མོ། །བཞི་པ་ཐུན་མོང་གི་གསལ་བྱེད་ནི། དེ་ཐམས་ཅད་ཀྱི་བསྡུས་དོན་རྣམ་འགྲེལ་ཨ་སེང་མའོ། །གཉིས་པ་གུད་དུ་གསུངས་པ་དང་བཅས་པའི་འཕྲོས་དོན་བཅུ་བདུན་བཤད་པ་ལ། ལྟ་བའི་ཡི་གེ །དབང་གི་ཡི་གེ །བསྐྱེད་རིམ་གྱི་ཡི་གེ །དམ་ཚིག་གི་ཡི་གེ །གགས་སེལ་གྱི་ཡི་གེ་སྟེ་ལྔ། དང་པོ་ནི། འཁོར་འདས་དབྱེར་མེད་ཀྱི་རྩ་འགྲེལ་སྡོམས་པས་གཅིག་གོ །གཉིས་པ་ལ། དབང་ཆུ་ཆེན་པོ། བྱིན་བརླབས་ཀྱི་བརྒྱུད་པ་མ་ཉམས་པ། མཆོག་དབང་གསུམ་གྲོལ་ལམ་ལ་བརྟེན་ནས་བསྐུར་བ། དབང་གི་ཆོ་ག་མཐའ་དག་མདོར་བསྡུས་པ་མན་ངག་གི་གནད་དེ་བཞིའོ། །གསུམ་པ་ལ། ཡབ་ཀྱི་མངོན་རྟོགས་རྒྱས་པ་ཡན་ལག་བཞི་པ། འབྲིང་པོ་ཡན་ལག་དྲུག་པ། བདག་མེད་མའི་མངོན་རྟོགས། ཕྱི་བསྐྱེད་པའི་རིམ་པ་མདོར་བསྡུས་པ་སྟེ་བཞིའོ། །བཞི་པ་ལ། རྩ་ལྟུང་འཁྲུལ་སྤོང༌། བདུད་རྩི་རིལ་བུ་སྒྲུབ་པའི་ཆོ་ག །ཚོགས་འཁོར། ལས་བཞིའི་སྦྱིན་སྲེག་སྟེ་བཞིའོ། །ལྔ་པ་ལ། བྱུང་རྒྱལ་དུ་མི་བཏང་བའི་གནད་རྣམ་པ་བཞི། བསམ་གཏན་མདོར་བའི་འཕྲང་བདུན་བསལ་བ། འབྱུང་བ་ལུས་འཁྲུགས་རླུང་དང་སྤྱོད་ལམ་གྱིས་བསལ་བ། རྣལ་འབྱོར་ཕྲིན་ལས་སུམ་ཅུ་རྩ་གཉིས་ཏེ་བཞིའོ། །དེ་དག་ལ་འཕྲོས་དོན་ཞེས་པའི་རྒྱུ་མཚན་ནི། གོང་བཅུ་གསུམ་པོ་འཁོར་འདས་ཐུན་མོང་ལས་འཕྲོས་ལ། འོག་གགས་སེལ་རྣམས་འཁོར་འདས་ཐུན་མོང་དང༌། འཁོར་ལོ་འཆམ་པ་གཉིས་ཀ་ལས་འཕྲོས་པས་སོ། །གཉིས་པ་ནི། ལམ་འབྲིང་པོའི་ཡི་གེ་གཅིག་གོ །གསུམ་པ་ནི། ལམ་བསྡུས་ཏེ་སྒྲུབ་པའི་ལུང་སྦྱིན་པའི་ཡི་གེ་གཅིག་གོ །གཉིས་པ་དེ་གསུམ་གའི་ཐུན་མོང་གི་ཆོས་བསྟན་པ་ལ། ཉམས་སུ་བླང་བའི་ཆོས། རྟོགས་པ་བསྐྱེད་པ། རྟོགས་པ་