[A:40]གསལ་བྱེད་དེ་གསུམ། དང་པོ་ལ། གཞུང་ཇི་ལྟ་བ་བཞིན་བཀྲི་བ། དབང་པོ་རབ་འབྲིང་གསུམ་བཀྲི་བ། གནད་དྲུག་གིས་བཀྲི་བ། གནད་བཅུ་གཅིག་གིས་བཀྲི་བ་སྟེ་ཁྲིད་ཡིག་བཞིའོ། །གཉིས་པ་ལ། ལམ་འཇུག་ལྡོག །ཕྱག་རྒྱ་འཇུག་ལྡོག །ཤེས་པས་ཕན་འདོགས་པའི་མན་ངག་བདུན། ལམ་སྲེ་བ་འགྲོས་བཞི་དང་བཅས་པ། ཕྱི་ནང་གི་མཛད་པ་བཅུ་གཉིས་ཏེ་ལྔའོ། །གསུམ་པ་ལ། ཕྲིན་ལས་སོ་གཉིས་ཀྱི་དཔེ་ཆུང༌། འཆི་ལྟས་བརྟག་པའི་འཁོར་ལོ་གཉིས། རྩ་འཁོར་ལོ་བཞིའི་དཔེ་ཆུང༌། གགས་སེལ་གཞན་གྱི་དཔེ་ཆུང་གཉིས། བྷ་གའི་ཡི་གེ་བཅུ་བཞིའི་དཔེ་ཆུང་སྟེ་ལྔའོ། །གཉིས་པ་ཟབ་འབྲིང་ཐ་གསུམ་བསྟན་པ་ལ། ཟབ་འབྲིང་ཐ་གསུམ་ལས། དང་པོ་ནི། ལམ་ཟབ་མོ་བླ་མའི་རྣལ་འབྱོར་དབུ་དབྱུང་མ་ཞེས་ཡི་གེ་གཅིག་ཡོད་ལ། གཉིས་པ་འབྲིང་དམ་ཚིག་དང་སྡོམ་པའི་ལམ་དང༌། གསུམ་པ་ཐ་མ་ལུས་སོ་སོར་བརྟག་པའི་འགོག་པའི་ལམ་གཉིས་ནི་གོང་དུ་གསེབ་ཚགས་ལ་བསྟན་གྱིས་སྐབས་འདིར་ཡིག་ཆ་ལོགས་པ་མེད་དོ། །གསུམ་པ་དེ་དག་གི་རྒྱབ་རྟེན་བསྟན་པ་ལ། ལུང་སྦྱོར་དང༌། ལོ་རྒྱུས་གཉིས། དང་པོ་ལ། ལུང་འདི་ཉིད་དང་མདོར་བསྡུས་ཏེ་སྦྱར་བ། ལུང་མཐའ་དག་དང་མདོར་བསྡུས་ཏེ་སྦྱར་བ། ལུང་འདི་ཉིད་དང་ཞིབ་ཏུ་སྦྱར་བ་སྟེ་གསུམ། དང་པོ་ནི། དབུ་ན། སྤྱིར་ལམ་དང་འབྲས་བུ་ཐམས་ཅད་ཚད་མ་བཞི་དང་ལྡན་ན་ཡང༌། ཞེས་སོགས་ཡོད་པ་དེ་ཡིན་ནོ། །གཉིས་པ་ནི། རྗེ་བཙུན་རིན་ཆེན་དམ་པའི་གསུང་གང་ཞིག །ཅེས་སོགས་ཡོད་པ་དེ་ཡིན། གསུམ་པ་ནི་གླེགས་བམ་ཁྲོད་དུ་མི་བཞུགས་གུད་ན་ཡོད་གསུང་བས། ཕྲ་མོའི་ཁྲོད་ཀྱི་ས་ཆེན་གྱིས་མཛད་པར་གྲགས་པ་དེ་དང༌། རྩེ་མོས་མཛད་པར་གྲགས་པ། དབུ་ན། རྩེ་ཆེན་གང་གི་བློ་གྲོས་ཀྱིས། །ཞེས་སོགས་ཡོད་པ་དེ་གཉིས་གང་རུང་གཅིག་ཡིན་པར་སེམས་