R795: གོང་དཀར་བླ་མ་འཕྲིན་ལས་རྣམ་རྒྱལ་གྱི་གསན་ཡིག

« Title Page

Pagination (Witness A): 41

Last Page »

[A:41]ཏེ། དེ་དག་ལས་གཞན་པའི་ལུང་སྦྱོར་ལུང་རྒྱུན་ཆད་པ་ཁོ་བོས་སྔན་ཆད་མ་ཐོས་སོ། །

ཞེས་ཉི་གླིང་རྗེ་གསུང༌།

ལུང་སྦྱོར་འདི་གསུམ་རྗེ་པའི་དཀར་ཆག་གི་དོན་དང་མཐུན་པར་ཡོད་པས། བདག་གི་བླ་མའི་དགོངས་པ་ཡང་འདི་ཁོ་ནའོ། །གཉིས་པ་ལོ་རྒྱུས་ལ། བླ་མ་བོད་ཀྱི་ལོ་རྒྱུས་དང༌། རྒྱ་གར་བའི་ལོ་རྒྱུས་ཀྱི་ཡི་གེ་གཉིས་སོ། །དེ་དག་ལས། ཕྱི་ན་བཞུགས་པ་དབང་ཆུ་ཆེན་མོ་སོགས་བདུན་ཁ་བསྐང་བས། ལམ་འབྲས་གླེགས་བམ་དུ་གྲགས་པ་དེའི་ལུང༌། ད་ནི་བཞི་པ་ཡི་གེ་ཞལ་འཕངས་བསྟན་པ་ཞེས་པས། ཕྲ་མོའི་གླེགས་བམ་སྟེ། སྤྱི་སྡོམ་ནི། ཡི་གེ་ཕྲ་མོ་ལྔ་བཅུ་རྩ་གཉིས་ཏེ། །ཞེས་སོ། །དེའང༌། བཅུ་དྲུག་གཅིག་ལྔ་བཅོ་བརྒྱད་བཅུ་གཉིས་ནི། །ཞེས་པས་ས་ཆེན་གྱི་བཅུ་དྲུག །རྩེ་མོའི་གཅིག །རྗེ་པའི་ལྔ། ས་པཎྜི་ཏའི་བཅོ་བརྒྱད། འཕགས་པའི་བཅུ་གཉིས། དེའང༌། ས་ཆེན་གྱི་ལ། བྱིན་བརླབས་ཀྱི་ཡི་གེ །གགས་སེལ་གྱི་ཡི་གེ །སྤྱི་འགྲོའི་ཡི་གེ་སྟེ་གསུམ། དང་པོ་ལ། ཡབ་ཀྱི་བྱིན་བརླབས། ཡུམ་གྱི་བྱིན་བརླབས། ཨཥྟའི་བཟླས་ལུང༌། བིརྺ་པའི་བྱིན་བརླབས་ཏེ་བཞིའོ། །གཉིས་པ་ལ། གགས་སེལ་ཉམས་ཆེན། ཉམས་ཆུང༌། དཀར་སྟོན་མ། བཀའ་རྒྱ་མ། །གཅེས་བསྡུས། གསང་བདུན་མ། ཧ་དམིགས་མ། ལུས་སྦྱོངས་ཉི་ཤུ་པ་སྟེ་བརྒྱད་དོ། །གསུམ་པ་ལ། དབང་བཞི་ངོ་སྤྲོད་རྩ་འགྲེལ། ལམ་བསྡུས་པ་ངོ་བོ་ཉིད་གསུམ། ལུང་འདི་ཉིད་དང་ཞིབ་ཏུ་སྦྱར་བ། གསང་བཅུ་སྤྱོད་པ་སྟེ་བཞིའོ། །སློབ་དཔོན་རྩེ་མོའི་གཅིག་ནི། ལུང་འདི་ཉིད་དང་ཞིབ་ཏུ་སྦྱར་བ་མཆན་མའོ། །རྗེ་བཙུན་གྲགས་པའི་ལྔ་ནི། གསོལ་འདེབས་གཉིས་ནི། ལམ་འབྲས་བརྒྱུད་པའི་གསོལ་འདེབས་ཆེ་ཆུང་གཉིས། གདམས་ཡིག་གཉིས་ནི། དགའ་སྟོན་ལ་གདམས་པ། བྲག་སྟོན་ལ་གདམས་པ། རྣམ་ཐར་གཅིག་ནི་བླ་མ་ཆེན་