[A:41]te/ de dag las gzhan pa'i lung sbyor lung rgyun chad pa kho bos sngan chad ma thos so/ /
zhes nyi gling rje gsung /
lung sbyor 'di gsum rje pa'i dkar chag gi don dang mthun par yod pas/ bdag gi bla ma'i dgongs pa yang 'di kho na'o/ /gnyis pa lo rgyus la/ bla ma bod kyi lo rgyus dang / rgya gar ba'i lo rgyus kyi yi ge gnyis so/ /de dag las/ phyi na bzhugs pa dbang chu chen mo sogs bdun kha bskang bas/ lam 'bras glegs bam du grags pa de'i lung / da ni bzhi pa yi ge zhal 'phangs bstan pa zhes pas/ phra mo'i glegs bam ste/ spyi sdom ni/ yi ge phra mo lnga bcu rtsa gnyis te/ /zhes so/ /de'ang / bcu drug gcig lnga bco brgyad bcu gnyis ni/ /zhes pas sa chen gyi bcu drug /rtse mo'i gcig /rje pa'i lnga/ sa paNDi ta'i bco brgyad/ 'phags pa'i bcu gnyis/ de'ang / sa chen gyi la/ byin brlabs kyi yi ge /gags sel gyi yi ge /spyi 'gro'i yi ge ste gsum/ dang po la/ yab kyi byin brlabs/ yum gyi byin brlabs/ aShta'i bzlas lung / birWa pa'i byin brlabs te bzhi'o/ /gnyis pa la/ gags sel nyams chen/ nyams chung / dkar ston ma/ bka' rgya ma/ /gces bsdus/ gsang bdun ma/ ha dmigs ma/ lus sbyongs nyi shu pa ste brgyad do/ /gsum pa la/ dbang bzhi ngo sprod rtsa 'grel/ lam bsdus pa ngo bo nyid gsum/ lung 'di nyid dang zhib tu sbyar ba/ gsang bcu spyod pa ste bzhi'o/ /slob dpon rtse mo'i gcig ni/ lung 'di nyid dang zhib tu sbyar ba mchan ma'o/ /rje btsun grags pa'i lnga ni/ gsol 'debs gnyis ni/ lam 'bras brgyud pa'i gsol 'debs che chung gnyis/ gdams yig gnyis ni/ dga' ston la gdams pa/ brag ston la gdams pa/ rnam thar gcig ni bla ma chen