[A:40]gsal byed de gsum/ dang po la/ gzhung ji lta ba bzhin bkri ba/ dbang po rab 'bring gsum bkri ba/ gnad drug gis bkri ba/ gnad bcu gcig gis bkri ba ste khrid yig bzhi'o/ /gnyis pa la/ lam 'jug ldog /phyag rgya 'jug ldog /shes pas phan 'dogs pa'i man ngag bdun/ lam sre ba 'gros bzhi dang bcas pa/ phyi nang gi mdzad pa bcu gnyis te lnga'o/ /gsum pa la/ phrin las so gnyis kyi dpe chung / 'chi ltas brtag pa'i 'khor lo gnyis/ rtsa 'khor lo bzhi'i dpe chung / gags sel gzhan gyi dpe chung gnyis/ bha ga'i yi ge bcu bzhi'i dpe chung ste lnga'o/ /gnyis pa zab 'bring tha gsum bstan pa la/ zab 'bring tha gsum las/ dang po ni/ lam zab mo bla ma'i rnal 'byor dbu dbyung ma zhes yi ge gcig yod la/ gnyis pa 'bring dam tshig dang sdom pa'i lam dang / gsum pa tha ma lus so sor brtag pa'i 'gog pa'i lam gnyis ni gong du gseb tshags la bstan gyis skabs 'dir yig cha logs pa med do/ /gsum pa de dag gi rgyab rten bstan pa la/ lung sbyor dang / lo rgyus gnyis/ dang po la/ lung 'di nyid dang mdor bsdus te sbyar ba/ lung mtha' dag dang mdor bsdus te sbyar ba/ lung 'di nyid dang zhib tu sbyar ba ste gsum/ dang po ni/ dbu na/ spyir lam dang 'bras bu thams cad tshad ma bzhi dang ldan na yang / zhes sogs yod pa de yin no/ /gnyis pa ni/ rje btsun rin chen dam pa'i gsung gang zhig /ces sogs yod pa de yin/ gsum pa ni glegs bam khrod du mi bzhugs gud na yod gsung bas/ phra mo'i khrod kyi sa chen gyis mdzad par grags pa de dang / rtse mos mdzad par grags pa/ dbu na/ rtse chen gang gi blo gros kyis/ /zhes sogs yod pa de gnyis gang rung gcig yin par sems