[A:༨]གསོལ་བ་བཏབ་བོ། །དེ་ནས་སེ་གོལ་གཏོགས་པས་ཆུ་བོ་སྔར་བཞིན་བབས་ཏེ་དེའི་ཚེ་ཡང་གླུ་བླངས་སོ། །རྫས་རྣམས་ཀོ་མཁན་ལ་བྱིན་པས་མ་འདོད་པར་བོར་ནས་ཞབས་ལ་འཇུས་ནས་རྗེས་སུ་གཟུང་བར་ཞུས་པས་གནང་སྟེ་ཕྱི་བཞིན་འབྲངས་སོ། །རྫས་ནི་རྩྭ་ཁྱིམ་པ་རྣམས་རང་རང་གིས་ལོངས་སྤྱད་དོ། །དེ་ནས་ལྷོ་ཕྱོགས་བི་མེ་ས་ར་དང་ཉེ་བའི་གནས་ཌཱ་ཀི་ནཱི་ཏ་པ་ཞེས་བྱ་བར་ཆང་འཚོང་མ་ཞིག་གི་ཁྱིམ་དུ་བྱོན་ནས་དཔོན་གཡོག་གཉིས་ཀྱིས་ཆང་ཉོ་བྱས་པས། རིན་ཅི་ཡོད་ཟེར་ནས་ངེད་ངོམས་པར་གྱིས་དང་ཁྱོད་ཅི་འདོད་པ་སྦྱིན་གྱི་གསུངས་པས་ཡིད་མ་ཆེས་ཏེ་ཇི་ཙམ་ན་སྟེར་ཞེས་དྲིས་པས། ཉི་གྲིབ་ཀྱི་མཚམས་སུ་རི་མོ་རེ་མཛད་ནས་འདི་སོང་མ་ཐག་ཁྱོད་ལ་སྦྱིན་ནོ་ཞེས་གསུངས་ཏེ། ཉི་མ་རྟིང་པར་བཅུག་ནས་ཆང་རྣམས་ཟད་པ་དང་རིན་སློངས་བྱས་པས་ད་དུང་ཉི་མ་མ་སོང་གསུངས། དེ་བཞིན་དུ་ཡུལ་ཁམས་བཅོ་བརྒྱད་ཀྱི་ཆང་ཟད་པར་གསོལ་ལོ། །དེའི་ཚེ་རྒྱལ་པོའི་དབྱུ་གུ་དང་ཆུ་ཚོད་ལ་སོགས་པའི་རྩིས་ཐམས་ཅད་ཀྱང་འཁྲུགས། མི་རྣམས་ཀྱང་གཉིད་ཀྱིས་ར་རོ་བ་ལྟ་བུར་གྱུར། དེ་ནས་རྒྱལ་པོས་རྣལ་འབྱོར་པས་ནུས་པ་བསྟན་པར་ཐོས་ནས་ཉི་མ་གཏང་བར་ཞུས་པས། ང་ལ་ཆང་རིན་མེད་གསུངས་ཏེ་རྒྱལ་པོས་ཆང་འཚོང་མ་རྣམས་ལ་ཆང་རིམ་བྱིན་པ་དང་མཚན་ཕྱེད་དུ་གྱུར་ཏོ། །དེའི་ཚེ་གླུ་བླངས་ཏེ་གྲགས་པ་ཉི་མ་དང་མཉམ་པར་གྱུར་ཏོ། །དེ་ནས་ལྷོ་ཕྱོགས་བི་མེ་ས་ར་ཞེས་བྱ་བར་དབང་ཕྱུག་ཆེན་པོའི་ལིངྒ་འཇིམ་པ་ལས་བྱས་པ་ཡོད། དེའི་གནས་ན་རལ་པ་ཅན་ལྔ་བརྒྱ་ཡོད་པའི་ཡུལ་དེ་དག་ཐམས་ཅད་ཕྱི་རོལ་པ་ཡིན་པས། དེ་རྣམས་སངས་རྒྱས་ཀྱི་བསྟན་པ་ལ་གཟུད་པར་བཞེད་ནས་དེར་བྱོན་ཏེ་དེའི་རྒྱལ་པོ་ལ་ལེགས་པར་སྦྱར་བའི་སྐད་ཀྱིས་བསྟོད་སྒྲ་མང་པོ་བཏང་བས་རྒྱལ་པོ་མཉེས་པས། རལ་པ་ཅན་ལྔ་བརྒྱའི་དཔོན་དུ་བཅུག་ནས་མཆོད་གནས་བྱས་ཏེ་རང་གི་སྒྲུབ་པ་སྙིང་པོར་མཛད་ཅིང་བཞུགས་པའི་ཚེ་སློབ་དཔོན་གྱིས་བརྒྱད་སྟོང་པའི་པུསྟི་ལ་མེ་ཏོག་གི་ཕྲེང་བ་ཕུལ་བ་དང་ཕྱག་