R840: མཁན་ཆེན་ཐམས་ཅད་མཁྱེན་པ་ཆོས་གྲུབ་སེང་གེའི་རྣམ་པར་ཐར་པ་དད་པའི་རོལ་མཚོ་ཀུན་ཁྱབ་སྙན་པའི་བ་དན།

« Title Page

Pagination (Witness A): ༡༤ན-༢༡༧

Last Page »

[A:༡༤ན-༢༡༧]༄༅། །སྦྱིན་དང་བཅད་པ་ཕེབས་དུས། གྲུབ་པའི་ས་ལམ་བརྙེས་པའི་རྟོགས་པ་ཅན། །ལྷ་སྲིན་བྲན་དུ་འཁོལ་པའི་ནུས་མཐུ་ཅན། །འགྲོ་དོན་ཕྱོགས་མེད་མཛད་པའི་ཕྲིན་ལས་ཅན། །གྲུབ་ཐོབ་ཐང་སྟོང་རྒྱལ་པོར་གྲགས་ལ་འདུད། maybe from Chos grub seng ge's lost autobiography།ཅེས་པའི་བསྟོད་པའང་ཕུལ། ཐུགས་སྲས་ཤེས་རབ་དཔལ་ལྡན་པ་ལ། གསོ་དཔྱད་བདུད་རྩི་བུམ་པའི་ལུང་། དེའི་ཆ་ལག་རིག་གསུམ་མགོན་པོའི་རིག་གཏད་དང་བཅས་པ་གསན། སླར་ངམ་རིང་དུ་ཕེབས། ཀུན་སྤངས་བྱམས་པ་གསེར་མཆོག་པ་དང་མཇལ། རྣམ་སྲས་སེར་ཆེན། དྲག་བྱེད། མདུང་དམར་ཅན། སྲས་གར་མཁན་མཆོག་སོགས་རྣམ་སྲས་ཀྱི་རིགས་པ་མ་ཚང་བ་མེད་པའི་རྗེས་སུ་གནང་བ་དང། ཡིག་ཆའི་ལུང་སོགས་ཆ་ལག་ཚང་བ་དང། སུམ་པ་ལོ་ཙཱ་བའི་བློ་སྦྱོང་ཏེ་གསུང་ཆོས་མཐའ་ཡས་པ་གསན། སྲིད་པའི་ཕུན་ཚོགས་ཀུན་སྤངས་ཤིང། །བྱམས་པ་འཛམ་བུའི་གསེར་མཆོག་གིས། །ཕྲིན་ལས་འོད་ཟེར་འགྲོ་བའི་དཔལ། །དེ་ཡིས་རྟག་ཏུ་བདག་སྐྱོབས་ཤིག། maybe from Chos grub seng ge's lost autobiography།ཅེས་པས་ཀྱང་བསྟོད། དེ་ནས་ཚོགས་པ་དབུས་སུ་ཕེབས་པའི་སྒོ་ཤར་མཚམས་ལྕགས་སྟག་ཤར་འཕྲལ་བཏེག། རིམ་པ་ཆུ་འདུས་སུ་ཕེབས། དེར་བཅོམ་ལྡན་འདས་རྣམ་པར་སྣང་མཛད་དངོས་སུ་གྲགས་པ་མཁས་བཙུན་ཡོན་ཏན་སྙིང་པོ་ལ་ངན་སོང་ཐམས་ཅད་ཡོངས་སུ་སྦྱོང་བ་ཀུན་རིག་རྣམ་པར་སྣང་མཛད་སོགས་སྦྱོང་རྒྱུད་དཀྱིལ་འཁོར་བཅུ་གཉིས་དང་དབང་ལུང་དཔག་ཏུ་མེད་པ་གསན། དུས་གསུམ་རྒྱལ་