[A:6a-201] / /la mdzad bzhin mthongs dod pa gsal bar ding sang gi bar du yod pa'i gnas der yab yum sras dang bcas pa grub pa brnyes te/ sras la dbon sras thugs rje chen po dang/ yum la'ang zhig mo 'bum skyid ces bya bar grags/ de'i tshe nya bas nya phul ba sbubs ril mjing pa nas bzung/ nub kyis drangs pas sha rnams gsol zhing/ rus pa mgo mjug ma nyams par byung ba/ slar mtshor skyel btang bas nya ru 'gyur ba sogs grub rtags bsam gyis mi khyab pa bstan/ de nas yon po do la sogs pa'i gnas rnams su bzhugs pa te skal ba dang ldan pa'i gdul bya rnams smos ci dgos/ tha na nya dang gcan zan la sogs pa dud 'gro'i rigs du ma la'ang sgom btab pas thebs pa sogs smin grol gyi mdzad pa dpag par dka' ba du mas 'gro ba kun gyi skyabs dam par gyur cing / phyis 'gro mgon chos rgyal 'phags pa hor rgyal pos spyan drangs pa'i dus sku rim bsrung 'khor ba'i rnam par thegs/ rgyal po'i lung gis/ nyi ma nub kyi sngags pa mthu can rnams kyi dpon du bskos pa'i 'ja' sa me ser dang/ gzhis kha rin spungs pa'i sku rim la bzhugs pa'i yab chen rnams kyi phyag na'ang 'dug pa bzhin/ sil ma me ser/ 'brog 'phrang kha/ byang thang gser sdings sogs dgon gnas mang