[A:87b-364] dang bcas pa la sngon gyi zhal bzhes ji lta ba bzhin/ dol bkra shis rnam par rgyal ba'i khang bzangs dam par phebs pa la mngon par phyogs pa'i byams pa gling smon lam chen po grol ba'i chu stod can snga ma'i tshes bdun la bteg/ lhun grub lha rtse nas nye bar gzung ste bkur sti gya nom pa dang bcas te/ rnam rgyal du phebs thog/ drung nas nam mkha' lhun grub pa rang gi sku rim la bsnyen bkur bzang zhing/ dge 'dun re'i phyag tu gser zho phyed ma'i phyag gtod/ rje nyid du'ang na bza' skor gyis gtsos pa'i 'bul bsam gyis mi khyab pa mdzad/ tshes bco lnga'i nyin/ gzhis kha chen po'i chu bdag gi nye bar brten pa'i phyogs na/ dgra bcom pa yon tan blo gros kyis chos kyi 'khor lo skor ba'i chos khrid/ dkar phyogs la dga' ba'i lha rnams kyis skor ba bgyis pas skor lam byang ba mngon sum du 'byung zhing/ yan lag brgyad ldan gyi chu mig tu grags pa las/ klu'i dbang pos chos nyan par 'ongs pa'i lam gsal bar dod pa'i bzhugs khri'i stengs su stan 'khod de/ tshul zhugs dge slong gi dge 'dun brgya phrag gcig dang/ tshig phyi ma dge tshul du bsnyen par rdzogs pa phyogs kyi grangs ldan gyis tshul shing legs par bzhes nas dbyar gnas/ tshul shing gi