[A:88b-366] gnang ste/ rim gyis rgyal chen gling du phebs pa'i/ sa skyong chen po sogs la blo sbyong tshogs chos chen mo'i myong khrid/ rgyal sras thogs med pa'i/ bka' 'bum thor bu ba chos tshan brgya dang bcu gsum yod pa'i lung dang/ tshogs sde dang chos nyan mang po zhig la blo sbyong dang/ bka' gdams glegs bam sogs gnang ba'i skabs su/ gang zag la la rigs la rnam par mi rtogs pa'i ting nge 'dzin skye ba du ma dang / nyams kyi snang ba'ang 'bad med du 'byung zhing/ de'i tshe lha rnams kyis rjes su yi rang ba'i me tog gi char bab cing lha mi kun gyis mchod par byed/ de nas byi ba lo shar ba'i tshe mnal lam du/ bkra shis rnam rgyal gyi yul ljongs 'di mtsho chen pos gang ba'i dkyil na/ shin tu mdzes pa'i ba dan gyis brgyan pa'i mdung dmar po btsugs pa dang de bzhin du rgyal chen gling gi nub byang gi mtshams su rgyal mtshan lhun sdug cing mdzes pa cig btsugs pa'ang rmis pas sku rtsed kyi tshul du/ sde pa rang la gzhis ka rin spungs pa 'dis bkra shis rnam rgyal phyag tu 'bul ba e yin bka' gnang/ de nas yun mi ring bar dbus gtsang gi dus gzings mangs pa'i thog mar/ bkra shis rnam rgyal/ sne'u sogs kyang sde srid 'di nyid kyi chab 'og tu chug cing/ dpon sa gong ma chen po'i zhabs 'degs dkar po'i phyogs kyi zla ba ltar rgyas par mdzad/