[A:89b-368] rgyal mchod rten gyi bzo thab 'dzugs par dgongs te/ nai pA la'i yul gyi rig byed mkhas pa nyi ma dpal dpon slob 'byor/ bka' bkod sogs mchod yon gnyis dang/ rje ngag dbang bsod nams yar rgyal ba gsum gyis zhal bkod gnang ba'i mod la/ skal bar ldan pa rnams la skyed rdzogs kyi gdams pa zab mos tshim pa bskyed/ mi dbang drung du phyogs phyogs nas byon pa'i gser yig pa grags zhan/ dge ba'i bshes gnyen mang po yang gsung gi bdud rtsi so so'i re ba skong bar mdzad/ dus der/ gdan sa thel mthil gyi mkhan po rin po che brag lcogs dge rgyas su phebs nas/ rje btsun dam pa 'di nyid gdan 'dren zhus ste chos kyi 'khor lo bskor ba ni/ ras chung snyan brgyud nor bu skor gsum gsan par bzhed pa bzhin/ thog mar sku tshe 'phel ba'i rten 'brel du/ tshe dpag med phyi nang gsang gsum gyi chos skor las phyi sgrub lha gcig bum cig tu sgrub pa tshe khrid rgyas pa dang bcas pa / nang sgrub lha bcu bzhi ma'i dbang/ tshe sgrub rgyun gyi zhal gdams/ gsang sgrub lha bcu dgu ma sogs tshe dpag med kyi sgrub skor mtha' yas pa dang/ bcom ldan 'das dpal 'khor sdom pa lha drug bcu rtsa gnyis dang/ lha bcu gsum/ phag mo lha bco lnga/ lha bdun ma/ lha lnga ma'i