[A:110a-409] / /par sangs rgyas kyi bstan pa thugs kyis gces par gzung ste/ kong po'i phyogs la chibs bsgyur ba'i bdag gi 'dod pa grub pa cig dgos phebs pa la/ spyir thams cad mkhyen pa karma pa'i dgongs pa la/ nga dge dun sgang pa'i mkhan po yin par grags pa/ gzhan snang du bslabs pa dang mthun pa'i kun du spyod pa yod dgongs kyang/ kho bo ni sbyin bdag gi phyogs su lhung ba'i/ lto nang byin na nang za/ nub byin na nub za/ snod kyang thod phor sogs gang bder zab las med pa dang/ rtags kyi khyad par yang sbyin bdag gis gang sbyin kha dogs dang gzo dbyibs sogs nges med du longs spyod pa la 'di bya 'di byed kyi gtad so med pa 'di 'dras zhabs tog ga la 'grub/ khyed kyis de ka'i dgongs len gang legs mdzad 'tshal zhes bka' stsal/ 'on kyang rten 'brel 'chugs dogs pa'i dgongs pa'ang shar te/ sngon gyi skyes rabs rnams na so so skye bo tha mal pas kyang/ sa la gnas pa'i byang chub sems dpa' chen po rnams kyi yongs 'dzin mdzad pa'i rnam thar mang zhig snang ba ltar/ nged so so skye bo 'dis kyang/ thams cad mkhyen pa'i bsnyen rdzogs 'bul ba lta bu'i smon lam mthu btsan pa zhig yod na/ dgas dwags kong mtshams su chibs kyi kha lo bsgyur nges dgongs pa yongs su bskang bar smon pa lags/ shes pa'i zhu ba ma nyams pa dang/ zhu lan kyang 'bul lugs gang zab mdzod ces