[A:111a-411] / /tshogs kyis tshogs la las mi bya ba'i don du bsnyen par rdzogs pa'i dngos po brgya phrag mang po bsgrub pa dang/ dge tshul gyi bsnyen par rdzogs pa'ang bgrang ba las 'das pas/ 'gro ba mtha' dag sangs rgyas kyi bstan pa mtha' dag la 'dzud par mdzad pa'i rnam thar du gyur/ de nas bde chen du phebs/ sprul pa'i sku la sku grib kyi rnam pa cung zad byung ba rnam 'joms dkar po lha bco lnga'i dkyil 'khor du dbang bzhi yongs su rdzogs par nod pa dang/ rnam 'dzoms mthing nag tsandra go mi'i rgya gzhung la brten pa'i bum sgrub gnang te sku khrus gsol ba/ dze ta re'i rgya gzhung la rten pa'i 'chi med rnga sgra'i dbang brgya rtsa/ rta mgriin gsang sgrub shangs pa lugs kyi tshar ci mang/ ber nag can gyi dbang bzhi rdzogs gnang/ de nas ri khrod dgon gsar du phebs/ rje rol pa'i rdo rje dang/ rtogs ldan grags pa seng ge gnyis kyis/ rang gi mkhan po 'jam dbyangs don grub dpal ba'i dben gnas su btab pa'i dgon pa/ phyis dgra bcom pa yon tan blo gros kyis bzhugs dus kyi bzhugs khri thog nas/ deer 'dus pa'i skya ser grangs med pa la gsung chos kyi 'khor lo yang dag par skor/ de'i gdan sa chos rje nor bu ba la gnang/ de nas rim par lha sar phebs/ jo bo rin po che dang mjal ba'i mu nas rgyal chen gling du phebs/ mi dbang yum sras dang bcas pa la gsung chos gnang ba'i skabs shed du/ sngon gyi mnal lam