[A:121a-431] / /bsam sbyor zhi nas/ zhal ras la 'bur tshugs su blta zhing rengs par gyur pa'i mthar/ slar dran pa rnyed pa ltar zhabs la gtugs pa'i phyag 'tshal/ de lta bu ni thugs rgyud la byams snying rje byang chub kyi thugs khyad par can bcos min du bzhugs pa'i byin rlabs kyi mthu las so/ /de nas 'or shod du phebs sku ngal bso'i tshul du zhag gnyis bzhugs/ rtol gog mgonapo spyan drangs nas rnyed bkur mtha' yas pa zhus/ de nyid spyod yul seng ge'i tsha bo yin pa la dgongs/ chos skyong dmar po'i gtor ma la brten pa'i bka' bsgo bsrung skyob rnams pa thams cad du byed dgos pa'i bcol dam mi la mdzad pa ltar gnang/ de'i thugs rjes yun ring po'i bar pha rol gyi dmag tshogs sogs phas rgol thams cad 'joms nus pa'i stobs mnga' bas phyis nas kyang/ rje rin po che'i thugs rje yin par dus dang rnam pa kun du gleng ngo / /dpon bsod nams rgyal pos kyang bsnyen bkur rgya chen po bshams te g.yang gi bdud rtsis tshim par mdzad/ de nas rim par gle lung du phebs nyin sgar pa'i dpon chen gnyis phyen la 'byor/ rgyal ba'i dbang po'i bka' yig ja zhus 'bul ba chibs pa dang bcas pa gnang ba'i dus kyang nam mkha' dngas pa dang 'ja' 'od sogs ngo mtshar ba'i ltas du ma dang bcas pa'i mod nas phrag su rgyu gdong du phebs/ der thams cad mkhyen ba chos grags