[A:127a-443] / /chos dbyings bstod pa las/ gang zhig kun du ma shes par/ /srid pa gsum du rnam 'khor zhing/ /zhes sogs mtha' yas pa gsungs pa ltar lags/ shes zhes zhus pa'i tshe/ sems dpa' chen po 'di nyid kyi drung du phyag zab mo sbyar te 'dud bzhin pas/ rin po che e mkhyen lags/ nged rang dpon slob kyi de ring gi 'bel ba'i gtam zab mo'i don las btsas pa 'di lta bu/ bod gangs ris bskor ba'i ljongs kyi mkhas grub phal gyis mkhyen pa yang dka'/ mkhyen pa rnams dpyis phyin pa thugs kyi nyams du bzhes pa'ang dkon par 'dug lags gsung zhing/ sgam po mkhan chen pa la zhal phyogs par mdzad de/ nges pa'i don gyi skabs su 'di lta bu'i gsung shin tu ngo mtshar/ rgya gar la gser khyer nas dam pa'i chos tshol ba'ang yod pa la gsung zhing/ de ma thag bzhugs khri las babs nas/ rje'i drung du spang stan nyid la bzhugs te/ lung dang rtogs pa'i yon tan mtha' yas par gyur ba'i phung por gyur ba'i 'dren pa dam pa nyid bdag gi skye ba 'di'i yongs su 'dzin pa chen por gyur pa ji lta ba bzhin du/ tshe rabs thams cad kyi bshes bsnyen mchog tu gyur nas zab pa dang rgya che ba'i chos kyi 'tsho bas rnam pa thams cad du nye bar 'tsho bar gyur cig ces bya ba la sogs pa'i smon lam mtha' dag 'debs pa gnang/ phyis kyang bdag gis/ mkhan po rin po che la snang