[A:131a-451] / /gsung ba la/ bdag gi ri mor bris pa dang rin po che sogs la bzhengs pa'i rigs ldan ni mang po mjal/ gzhan ma de lta bu'i rdzun zhu ba ci spobs lags zhus pas/ thams cad mkhyen pa'i drung bdag la zhal gyi dkyil 'khor 'dzum pa dang bcas pas/ sku mdun nyid rdzun gsung ba red pa gsung/ gzhan yang de'i nyin/ thams cad mkhyen pas mngon par mkhyen pa'i gnas las brtsams pa'i bka'i phreng ba ngo mtshar ba mang po zhig gnang te/ skye bo ma dag pa'i blo can la la dag mi dge ba'i lam la sbyar dgos pas 'dir ma 'khod/ de nas chos skyong ba'i rgyal po rnam sras dmar po'i rjes su gnang ba sgrub skor las tshogs dang bcas pa bum pa gang byo'i tshul du phul/ slar rnal 'byor yan lag drug gi dmigs rim rdzogs pa dang/ chos rje phyogs legs rnam rgyal gyis mdzad pa'i sbyor drug gi thog mtha' bar dge'i khrid yig/ ngo sprod che chung gnyag dpon rin po ches mdzad pa/ dus 'khor lha dgu'i mngon rtogs/ dbang gong ma'i cho ga/ de la brten nas dbang gong ma bzhi/ khrid yig ngo sprod dang bcas pa dang/ chos rje kun mkhyen chen po'i gsung