[A:135a-459] / /gshegs skyems kyi 'bul ba rnyed bkur sogs kyang 'phags pa kun tu bzang po'i mchod pa rgya mtshos mchod do/ /hor zla bcu gnyis pa'i tshes bcu bzhi la 'degs pa'i thugs thag bcad/ de dus rgyal tshab sprul pa'i sku kong smad rta ba rgyal gzings na bzhugs pa des/ gsol ja ja zhus tshabs kyi gtsos pa'i 'bul nod kyi 'byor ba la/ de ma thag brdab lan gnang bar/ drung rab 'byor ba dang/ chos mdzad rdo rje gling pa gnyis slong ba'ang gnang/ phyis rgyal tshab sprul sku'i gsungs las/ dpal ldan bla ma chos grub seng ge dang/ /karma phrin las phyogs legs rnam rgyal gnyis/ /phebs tshe bdag cag skal ba dman pa'i mthus/ /bdag gi gnyer 'dzin rnams kyi 'di skad du/ /jo stan rgan pos chos ni mi shes pas/ /re shig mtshams la sdad na legs shes zhes zer/ /grogs ngan brten pas rje btsun rin po che/ /mkhan chen chos grub seng ge de ma mjal/ /da dung 'gyod pa'i rma la sos dus med/ /de la 'gyod kyang da ni ci zhig bya/ /ces kyang gsungs par snang/ dpon slob gzhi gzhis byes byin/ rje nyid sku na smin pa dang sku shor sogs kyang cung chung ba'i rnams pas