[A:136b-462] rnams phyir log pa dang mjal/ 'bul ba bsam gyis mi khyab pa dang/ phyag phyir yod pa tshong bde 'dod pa rnams la'ang bzhi 'gyur tsam gyi khe bde thob/ de nas rim gyis skam hrang du phebs/ de'i sang nyin ba rgyu rnam tshal dang nye ba'i sa zhig tu thag ring po med na'ang da ring 'di khar gdod dgos 'dug gsung der bzhugs/ de'i nyin nyang chu la skam zam zhig la phebs dgos byung bas khal rnams dbor bskyed skyel byas/ sems can rnams chu la bsgral na'ang/ sgrom mkhar nas kyi gzims drel de khal dang bcas pa zam stong la yid la med du song ba na/ zam pa 'khrom te dre'u'i yan lag rnams zam shing bar du chud/ zam pa zhig 'gro ba la thug pa'i tshe/ rje nyid kyis tshangs pa'i dbyangs ltar snyan pa'i gsung des/ na mo sangs rgyas rtag cing brtan pa'i bden pa dang/ dam chos yang dag bden pa'i bden pa dang/ dge 'dun mi bslu ba'i bden pa dang/ kun rdzob las 'bras bslu ba med pa'i bden pa dang/ don dam chos dbyings 'gyur ba med pa'i bden pa dang/ bden pa chen po'i byin rlabs kyis/ dre'u 'di nyid ma rmas ma gnad par bde bar thon par gyur cig ces bden stobs brjod pa tsam gyis yan lag rnams rang thon te/ thang bde mo la shar mar 'gro ba bzhin byung/ de nas gnas der bzhugs pa'i tshe/ 'dul ba 'dzin pa chen po